• search
For Quick Alerts
ALLOW NOTIFICATIONS  
For Daily Alerts

Weather Update: દિલ્લી-એનસીઆરમાં આજે પણ આવશે વરસાદ, આ રાજ્યોમાં પણ વરસાદ માટે અપાયુ એલર્ટ

|
Google Oneindia Gujarati News

નવી દિલ્લીઃ દિલ્લીમાં વરસાદે મુશ્કેલીઓ વધારી દીધી છે. શનિવારે શરૂ થયેલા વરસાદનો સિલસિલો આજે પણ ચાલુ રહેશે. ભારતીય હવામાન વિભાગે કહ્યુ છે કે આજે પણ દિલ્લી-એનસીઆરમાં વરસાદના અણસાર છે અને આખો દિવસ વાદળો છવાયેલા રહેશે અને વીજળી કડકતી રહેશે. હવામાન વિભાગનુ અનુમાન છે કે દિલ્લીમાં આખો સપ્તાહ વરસાદનો સિલસિલો ચાલુ રહેશે અને તાપમાનમાં ઘટાડો થશે. હવામાન વિભાગના જણાવ્યા મુજબ દિલ્લીમાં આજે મહત્તમ તાપમાન 33 અને લઘુત્તમ તાપમાન 25 ડિગ્રી સેલ્સિયસ રહેવાની સંભાવના છે.

દિલ્લી-એનસીઆરમાં આજે પણ આવશે વરસાદ

દિલ્લી-એનસીઆરમાં આજે પણ આવશે વરસાદ

આઈએમડીના જણાવ્યા મુજબ આવતા 2 કલાક દરમિયાન રોહતક, કુરુક્ષેત્ર, ગોહાના, કરનાલ, પાનીપત, રાજોંદ, અસંધ, સફીદો, જીંદ, સિવાની, મહમ, તોશામ(હરિયાણા)માં ગાજવીજ સાથે વાદળો વરસી શકે છે. ઉલ્લેખનીય છે કે હવામાન વિભાગનુ કહેવુ છે કે બંગાળની ખાડી પાસે એક લો પ્રેશર બનેલુ છે જે ઓરિસ્સાના તટને પાર કરી ગયુ છે જેના કારણે હાલમાં દિલ્લી સહિત દેશના ઘણા રાજ્યોમાં ભારે વરસાદ થઈ રહ્યો છે.

ચોમાસુ પોતાના લાસ્ટ ઝોનમાં છે

ચોમાસુ પોતાના લાસ્ટ ઝોનમાં છે

હવામાન વિભાગનુ કહેવુ છે કે હાલમાં ચોમાસુ પોતાના લાસ્ટ ઝોનમાં છે માટે હાલમાં અમુક રાજ્યોમાં જોરદાર વાદળો વરસી રહ્યા છે. માત્ર દિલ્લી અને એનસીઆરમાં જ નહિ પરંતુ પંજાબ, હરિયાણા, ઉત્તરાખંડ, વેસ્ટ યુપી, જમ્મુ અને રાજસ્થાનમાં પણ 13થી લઈને 18 સપ્ટેમ્બર સુધી ભારે વરસાદના અણસાર છે. વળી, પૂર્વોત્તરના રાજ્યોમાં પણ આજે વાદળો વરસી શકે છે અને અહીં પણ આગલા બે દિવસ સુધી વરસાદ થઈ શકે છે.

દક્ષિણમાં પણ આજે હળવા વરસાદનુ અનુમાન

દક્ષિણમાં પણ આજે હળવા વરસાદનુ અનુમાન

દક્ષિણમાં પણ આજે હળવા વરસાદનુ અનુમાન છે. કર્ણાટક, કેરળ અને તમિલનાડુમાં આજે હળવા વરસાદના અણસાર છે. વળી, આંધ્ર પ્રદેશ અને તેલંગાનામાં પણ આજે વરસાદ થઈ શકે છે. હવામાનની જાણકારી આપતી ખાનગી સંસ્થા સ્કાઈમેટે કહ્યુ છે કે આજથી લઈને આવતા ત્રણ દિવસ સુધી દિલ્લી, ઉત્તરાખંડ, હિમાચલ પ્રદેશ, પશ્ચિમ બંગાળ, ઝારખંડ, છત્તીસગઢ, પંજાબ, હરિયાણા, જમ્મુ કાશ્મીરમાં ભારે વરસાદના અણસાર છે જ્યારે કર્ણાટક, કેરળ અને તમિલનાડુમાં આજે હળવો વરસાદ થઈ શકે છે.

English summary
weather Updates: Rain expected in New Delhi-NCR, Thunderstorm expected in many states today says IMD.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X