Maharashtra Election result: આ વખતે એવુ તો શુ થયુ કે વિશ્લેષકો પણ મહારાષ્ટ્રનું પરિણામ જોઈને દંગ રહી ગયા?

Maharashtra Election result: મહારાષ્ટ્રના રાજકારણમાં છેલ્લા પાંચ વર્ષમાં ઘણા ઉતાર-ચઢાવ જોવા મળ્યા છે. 2019માં વિધાનસભા ચૂંટણી જીત્યા છતાં NDAની સરકાર બની શકી નથી. પછી વિરોધાભાસી વિચારધારાવાળા નવા રાજકીય સમીકરણો તૈયાર થયા અને એ પ્રયોગ લગભગ અઢી વર્ષ સુધી ચાલ્યો. ફરી એક નવી રાજકીય ફોર્મ્યુલા રચાઈ અને નવી સરકાર સત્તામાં આવી. આટલા બધા ફેરફારો અને તમામ આરોપ-પ્રત્યારોપ અને સત્તા વિરોધી પરિબળ હોવા છતાં એક પણ કેબિનેટ મંત્રી ચૂંટણી હાર્યો નથી.

મહારાષ્ટ્રમાં એકનાથ શિંદેના નેતૃત્વવાળી મહાયુતિ સરકારમાં 28 કેબિનેટ મંત્રીઓ હતા. શિવસેનાના કેટલાક મંત્રીઓએ છેલ્લા પાંચ વર્ષમાં ઉદ્ધવ ઠાકરે અને ત્યાર બાદ શિંદે સરકાર બંનેના નેતૃત્વમાં કામ કર્યું છે. ભાજપના મંત્રીઓ છેલ્લા અઢી વર્ષથી સરકારમાં છે. થોડા સમય પછી એનસીપીના ધારાસભ્યોને પણ મંત્રી બનવાની તક મળી. તેમાંથી કેટલાકે અગાઉ આ વિધાનસભાના કાર્યકાળ દરમિયાન ઉદ્ધવ સરકારમાં વિવિધ વિભાગો સંભાળ્યા હતા.

શરદ પવારે રાજદ્રોહી કહ્યા હતા

મહારાષ્ટ્રમાં એક પણ કેબિનેટ મંત્રી હાર્યા નથી, તમામ 28 જીત્યા છે, ખાસ કરીને શિવસેના અને એનસીપીના મંત્રીઓ પર વધુ દબાણ હતું. તેમના પર સત્તા વિરોધી પરિબળનું દબાણ પણ કામ કરી રહ્યું હતું અને શિવસેના (UBT) અને SPP (શરદચંદ્ર પવાર) દ્વારા 'રાજદ્રોહ'ના આરોપો પણ લગાવવામાં આવી રહ્યા હતા.

28 કેબિનેટ મંત્રીઓ જીત્યા

ભાજપના મંત્રીઓ પર અઢી વર્ષથી સત્તા વિરોધી હોવાનો તેમજ શિવસેના અને એનસીપીને તોડવાના ષડયંત્રમાં સામેલ હોવાનો આરોપ લગાવવામાં આવી રહ્યો હતો. પરંતુ, આ બધું હોવા છતા મહારાષ્ટ્રના મતદારોએ તમામ 28 કેબિનેટ મંત્રીઓને ચૂંટ્યા છે અને તેમને ફરીથી વિધાનસભામાં જવાની તક આપી છે.

પ્રો-ઇન્કમ્બન્સી પરિબળ ફળ્યુ
ભારતીય ચૂંટણી રાજકારણના ઈતિહાસમાં શાસક પક્ષોની આવી સફળતાનું ઉદાહરણ બહુ જ દુર્લભ છે. મહારાષ્ટ્રના મતદારોનો આદેશ જોઈને રાજકીય વિશ્લેષકો પણ દંગ છે. આવા જ એક નિષ્ણાતે કહ્યું છે કે, 'આ એક એવી સફળતા છે, જે તમામ વર્તમાન મંત્રીઓએ હાંસલ કરી છે. સામાન્ય રીતે મંત્રીઓને સત્તાવિરોધીના ગેરલાભનો સામનો કરવો પડે છે કારણ કે તેઓ સત્તામાં હોય છે અને લોકોને તેમની પાસેથી ઘણી અપેક્ષાઓ હોય છે.

લોકોનું સત્ત તરફ વલણ

તેમણે આગળ કહ્યું, 'છગન ભુજબળ અને ધનંજય મુંડે જેવા મોટા મંત્રીઓ જીત્યા અને તે જ રીતે તાનાજી સાવંત, અબ્દુલ સત્તાર, શંભુરાજે દેસાઈ, ગુલાબરાવ પાટીલ, ઉદય સાવંત અને અદિતિ તટકરે પણ જીત્યા. આ દર્શાવે છે કે સરકાર તરફ સત્તા તરફી વલણ છે અને લોકોએ તેમને સત્તામાં પાછા ફરવા માટે મત આપ્યા છે.

વિવાદાસ્પદ નિવેદન આપનાર પણ જીત્યા

આશ્ચર્યની વાત એ છે કે આવા મંત્રીઓ પણ ચૂંટણી જીતે છે, જેઓ પોતાના વિવાદાસ્પદ નિવેદનોને કારણે સરકાર સામે પડકાર વધારી રહ્યા છે. આમાં શિવસેનાના તાનાજી સાવંત અને અબ્દુલ સત્તારનું નામ લઈ શકાય છે. ઉદાહરણ તરીકે, સાવંતે કહ્યું હતું કે તેમની NCP ક્યારેય નેતાઓથી બનેલી નથી, તેથી તેમને કેબિનેટ બેઠકોમાં અજિત પવાર સાથે બેસવામાં મુશ્કેલીનો સામનો કરવો પડ્યો.

આ મંત્રીએ સરકારને મુકી છે શરમમાં

આ પહેલા પણ કેટલાક પ્રસંગોએ તેઓ પોતાના નિવેદનોને કારણે સરકારને શરમમાં મુકી ચૂક્યા છે. અબ્દુલ સત્તાર પણ પોતાના વિવાદાસ્પદ નિવેદનોને કારણે સરકારને ઘણી વખત મુશ્કેલીમાં મૂકી ચૂક્યા છે. પરંતુ, જનતાએ ચૂંટણીમાં તેમના પર ફરીથી વિશ્વાસ વ્યક્ત કર્યો છે.'

ઈતિહાસની દુર્લભ ચૂંટણી

દેશના ચૂંટણી ઈતિહાસમાં હાલમાં એવી કોઈ ચૂંટણી નથી કે જ્યાં તમામ મંત્રીઓ સંપૂર્ણ રીતે જીત્યા હોય. કદાચ આનું કારણ એ છે કે મહારાષ્ટ્રમાં સરકારની તરફેણમાં જે નીરવ લહેર ચાલી રહી છે તેનો કોઈ પણ ચૂંટણી નિષ્ણાતને ખ્યાલ નહોતો.