શાહરુખને મળી ધમકી, ‘ઓડિશામાં પગ મૂક્યો તો શાહીથી તારુ મોઢુ કરીશુ કાળુ'
હિંદી સિનેમાના કિંગ ખાન શાહરુખ ખાનને ખુલ્લેઆમ ધમકી મળી છે કે જો તે ઓડિશામાં પગ મૂકશે તો તેમની સાથે એ વ્યવહાર થશે જેની કલ્પના તેમણે કયારેય નહિ કરી હોય.
હિંદી સિનેમાના કિંગ ખાન શાહરુખ ખાનને ખુલ્લેઆમ ધમકી મળી છે કે જો તે ઓડિશામાં પગ મૂકશે તો તેમની સાથે એ વ્યવહાર થશે જેની કલ્પના તેમણે કયારેય નહિ કરી હોય. અહીંની કલિંગ સેના નામના સ્થાનિક સંગઠને કહ્યુ છે કે જો તે આગામી સપ્તાહે અહીં યોજાનાર વર્લ્ડ કપ હૉકી પ્રોગ્રામમાં આવશે તો તેમને કાળા વાવટા બતાવવામાં આવશે અને તેમના મોઢા પર શાહી ફેંકવામાં આવશે.
આ પણ વાંચોઃ 22 દિવસ બાદ તેજપ્રતાપે ઐશ્વર્યાને લખી 'દિલની વાત', ઈશારા-ઈશારામાં કહ્યુ બધુ
‘ઓડિશામાં પગ મૂક્યો તો પરિણામ આવશે ખરાબ, શાહીથી થશે મો કાળુ'
આ સંગઠનના પ્રમુખ હેમંત રથે મીડિયામાં નિવેદન આપ્યુ છે કે શાહરુખ ખાને આજથી 17 વર્ષ પહેલા રિલીઝ થયેલી ફિલ્મ ‘અશોકા' માં ઓડિશા અને અહીંના લોકોનું અપમાન કર્યુ હતુ. આના માટે તેમણે માફી પણ નહોતી માંગી. આટલુ જ નહિ આ સંગઠને શાહરુખ સામે 1 નવેમ્બરે પોલિસમાં રિપોર્ટ પણ લખાવી છે. ઉલ્લેખનીય છે કે વર્ષ 2001માં પ્રદર્શિત થયેલી ફિલ્મ ‘અશોકા'ના ઓડિશામાં તે સમયે ભારે વિરોધ થયો હતો. માત્ર એક સપ્તાબ બાદ જ ફિલ્મને થિયેટરોમાંથી હટાવી લેવામાં આવી હતી.
સીએમ નવીન પટનાયકે મોકલ્યુ કિંગ ખાનને આમંત્રણ
તમને જણાવી દઈએ કે સીએ નવીન પટનાયકે શાહરુખ ખાનને અહીં આવવા માટે આમંત્રણ મોકલ્યુ છે. તમને જણાવી દઈએ કે વર્લ્ડ કપ ભૂવનેશ્વરના કલિંગા સ્ટેડિયમમાં 28 નવેમ્બરથી 16 ડિસેમ્બર સુધી ચાલશે. તમને જણાવી દઈએ કે હોકી વર્લ્ડ કપના ઓફિશિયલ એન્થમ સોંગમાં શાહરુખ ખાન પણ છે જેના માટે સીએમે તેમની પ્રશંસા પણ કરી હતી.
કિંગ ખાનની પ્રતિક્રિયા
જેના માટે શાહરુખ ખાને મુખ્યમંત્રી નવીન પટનાયકનો આભાર માનતા કહ્યુ હતુ કે આભાર સર, હૉકી માટે આ તો આપણા સહુની ફરજ છે પરંતુ હવે આ રીતે કિંગ ખાન સામે ફરિયાદ નોંધાતા અને ધમકી મળવાથી શાહરુખના આવવા પર પ્રશ્નાર્થ છે. હાલમાં આ મામલે કિંગ ખાન તરફથી કોઈ પ્રતિક્રિયા આવી નથી.
આ પણ વાંચોઃ દીપિકાની કાંજીવરમ સાડી ખરીદવા માટે ઉતાવળા થયા ફેન્સ, દુકાનમાં સ્ટોક ખતમ