મહિલા નક્સલીઓએ મહેન્દ્ર કર્મા પર 78 વખત ચાકૂઓના ઘા ઝીંક્યા
જગદલપૂર, 29 મે: નક્સલીયોએ કોંગ્રેસ નેતા મહેન્દ્ર કર્માને મારતા પહેલા ખૂબ જ તડપાવ્યો હતો. મહિલા નક્સલીયોએ કર્માના શરીર પર 78 વખત ચાકૂના ઘા ઝીંક્યા હતા. નક્સલીઓ પોતાના સૌથી મોટા દુશ્મન મહેન્દ્ર કર્માને મોત આવે તે પહેલા તડપતો જોવા માગતા હતા.
નક્સલી હુમલાના પ્રત્યક્ષદર્શી ભરવાડે સીઆરપીએફના કોબરા કમાંડોઝને આ જાણકારી આપી. એક કમાંડોએ આ અંગે મીડિયાને માહિતી આપી કે મહિલા નક્સલીઓ, જેમની સંખ્યા 10થી 12 હતી. તેમણે કર્મા દ્વારા પોતાની ઓળખાણ આપવા છતાં બીજા કોંગ્રેસીઓ પાસે તેની ખરાઇ કરી. જ્યારે નક્સલીઓને એ વાતનો વિશ્વાસ થઇ ગયો કે એ જ કર્મા છે તો તેમણે કર્માની મજાક કરવાનું શરૂ કરી દીધું.
કર્મા શાંત હતા અને તેમના હાથ પાછળની બાજુ બાંધેલા હતા. આ બધાની વચ્ચે એક મહિલા નક્સલીએ કર્માની પીઠ પાછળ ગોળી મારી દીધી. પરંતુ તે નીચે પડ્યા નહીં. બીજી બાજુ મહિલા નક્સલીએ લાકડીઓના ફટકા મારીને તેમના પગને ઇજાગ્રસ્ત કરી નાખ્યો અને તે પડી ગયા. ત્યારબાદ મહિલા નક્સલીઓએ મળીને તેમના શરીર પર ચાકૂના ઘા ઝીંક્યા. નક્સલીઓએ આ પહેલા પણ હુમલાની જવાબદારી સ્વીકારતા કહી ચૂક્યા છે કે તેમનો ઉદ્દેશ્ય સલવા જુડમ માટે મહેન્દ્ર કર્માને સજા આપવાનો હતો.