• search
For Quick Alerts
ALLOW NOTIFICATIONS  
For Daily Alerts

જામનગર: મોંઘવારીના મુદ્દે કોંગ્રેસ દ્વારા નાટક કરી કરાયો વિરોધ

|
Google Oneindia Gujarati News

સતત વધતી જતી મોંઘવારીના કારણે લોકોને ઘર ચલાવવું મુશ્કેલ બન્યું છે. મોંઘવારીના કારણે ગરીબ, મધ્યમ વર્ગના પરિવારો મુશ્કેલીનો સામનો કરી રહ્યા છે. લોકોની આ સમસ્યાને વાચા આપવા આજે જામનગરમાં શહેર મહિલા કોંગ્રેસ દ્વારા વિરોધ પ્રદર્શનનો કાર્યક્રમ યોજવામાં આવ્યો હતો. આ સમયે નાટક રજૂ કરવામાં આવ્યું હતું અને જામનગરના બે ધારાસભ્યો અને રાજ્ય સરકારમાં પ્રતિનિધિત્વ કરતા બન્ને મંત્રીઓનો રોલ ભજવી કોંગ્રેસ દ્વારા સરકારની આંખ ઉઘાડવાનો પ્રયાસ કરવામાં આવ્યો હતો.

જામનગર : કોંગ્રેસનો અનોખો વિરોધ, જાહેરમાં મોંઘવારીનું નાટક રજુ કરી વિરોધ પ્રદર્શન કર્યું

છેલ્લા કેટલાક સમયથી પેટ્રોલ-ડીઝલ, ગેસના બાટલા, ખાદ્યતેલ, દાળ-ચોખા, શાકભાજી જેવી જીવનજરૃરી ચીજવસ્તુના ભાવમાં ધરખમ ભાવ વધારો કરવામાં આવ્યો છે. પરિણામે સામાન્ય, મધ્યમ અને ગરીબ વર્ગના પરિવારને ગુજરાન ચલાવવું મુશ્કેલ બન્યું છે. મોંઘવારીનો માર પ્રજા સહન કરી રહી છે અને ભાજપ સરકાર મોંઘવારીને કાબૂમાં લેવામાં સદંતર નિષ્ફળ ગઈ છે. આ જન સામાન્યના પ્રશ્નને વાચા આપવા મોંઘવારી સામે વિરોધ પ્રદર્શન કરવાના કાર્યક્રમનું કોંગ્રેસ દ્વારા આયોજન કરવામાં આવ્યું હતું.

'સસ્તો દારૂ, મોંઘુ તેલ વાહરે ભાજપ તારો ખેલ' વગેરે સૂત્રો લખેલા પોસ્ટરો દર્શાવી કાર્યકરોએ વિરોધ પ્રદર્શિત કર્યો હતો. કોંગ્રેસે રાજ્ય સરકારના કેબિનેટ મંત્રી આર.સી. ફળદુ અને મંત્રી ધર્મેન્દ્રસિંહ જાડેજાનો રોલ અદા કરી નાટક રજૂ કર્યું હતું. આ સમયે લોકોએ પોતાના પ્રશ્નો મંત્રીઓ સમક્ષ રજૂ કર્યા હતાં તેવો કાર્યક્રમ રજૂ કરવામાં આવ્યો હતો. આ સમયે મોંઘવારીના વિરોધમાં સૂત્રોચ્ચાર પણ કરવામાં આવ્યા હતાં.

English summary
Jamnagar: Protest staged by Congress on the issue of inflation
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X