• search
For Quick Alerts
ALLOW NOTIFICATIONS  
For Daily Alerts

Weather Updates : ઉત્તરાખંડમાં Red Alert, તો આ રાજ્યોમાં ભારે વરસાદની આગાહી

|
Google Oneindia Gujarati News

નવી દિલ્હી 26, જુલાઇ : હાલ સમગ્ર દેશમાં ચોમાસાની ઋતુ શરૂ થઇ ગઇ છે, ત્યારે દેશના અનેક રાજ્યોમાં ભારે વરસાદની આગાહી કરવામાં આવી છે. ભારતીય હવામાન વિભાગ (India Meteorological Department)ના જણાવ્યા અનુસાર, આગામી 24 કલાકમાં ઉત્તરાખંડના પાંચ જિલ્લામાં ભારે વરસાદ પડે તેવી શક્યતા છે. રવિવારથી જ દહેરાદૂન, મસૂરી, ઋષિકેશ, ઉત્તરકાશી અને હરિદ્વારમાં ધોધમાર વરસાદ વરસી રહ્યો છે. ભારતીય હવામાન વિભાગ દ્વારા સોમવારના રોજ (26 જુલાઇ) પણ આ જીલ્લામાં ભારે વરસાદ પડે તેવી શક્યતા દર્શાવી છે. આ સાથે આ જીલ્લામાં રેડ એલર્ટ પણ આપવામાં આવ્યું છે. ભારે વરસાદને પગલે રુદ્રપ્રયાગ-ગૌરી કુંડ હાઇવે સૌડ઼ી બંધ છે.

ઘણા રાજ્યોમાં ભારે વરસાદની સંભાવના છે

IMDએ ઉત્તરાખંડ સાથે દેશના અન્ય રાજ્યોમાં ભારે વરસાદની શક્યાતા દર્શાવી છે. ભારતીય હવામાન વિભાગના જણાવ્યા પ્રમાણે આગામી 24 કલાક દરમિયાન દિલ્હી-NCRમાં હળવો વરસાદ પડે તેવી શક્યતાઓ છે. જે કારણે લોકોને ગરમીથી રાહત મળે મળશે. IMDએ અહીં યલો એલર્ટ અને મંગળવારના રોજ ઓરેન્જ એલર્ટ આપ્યું છે. આ વિસ્તારમાં વરસાદ સાથે હળવો પવન ફુંકાવાની પણ શક્યતાઓ છે.

Weather Updates

હિમાચલમાં ઓરેન્જ એલર્ટ

નવી દિલ્હી, ઉત્તર પ્રદેશ, હિમાચલ પ્રદેશ, રાજસ્થાન, મધ્યપ્રદેશ, હરિયાણા, જમ્મુ-કાશ્મીર, લદ્દાખ, ગિલગિત-બાલ્ટિસ્તાન, મુઝફ્ફરાબાદ સાથે પંજાબમાં પણ ભારે વરસાદ થાય તેવી શક્યતાઓ છે. આ સાથે પૂરથી પીડિત કર્ણાટક અને મહારાષ્ટ્રમાં સોમવારે પણ વરસાદનું એલર્ટ આપવામાં આવ્યું છે. હિમાચલમાં ઓરેન્જ એલર્ટ અપાયું છે.

ઘણા જિલ્લાઓમાં ઘોડાપૂર

ભારે વરસાદને પગલે મહારાષ્ટ્રમાં પૂરની પરિસ્થિતિ સર્જાઇ છે. જેમાં નાગપુર, કોલ્હાપુર, રાયગઢ, રત્નાગિરી અને સાતારા સહિતના કેટલાક જિલ્લાઓ પૂરની પરિસ્થિતિ સર્જાઇ છે. જ્યાં NDRF ટીમ દ્વારા બચાવ કામગીરી ચાલી રહી છે.

28 જુલાઇ સુધી ભારે વરસાદની આગાહી

સ્કાયમેટના જણાવ્યા મુજબ આગામી 24 કલાક દરમિયાન કર્ણાટક, તામિલનાડુ, આંધ્રપ્રદેશ, રાયલસીમા, તેલંગાણા, ઉત્તરાખંડ, હિમાચલ પ્રદેશમાં ભારે વરસાદ નોંધાઇ શકે છે, જ્યારે 28 જુલાઈ સુધીમાં પશ્ચિમ બંગાળ, ઝારખંડ અને છત્તીસગઢમાં વરસાદને કારણે પૂરની પરિસ્થિતિ સર્જાઇ તેવી શક્યતાઓ છે.

ગુજરાત સહિત આ રાજ્યોમાં હળવાથી મધ્યમ વરસાદની શક્યતા

આ સાથે 26 અને 27 જુલાઇ સુધી ઉત્તરાખંડ, હિમાચલ પ્રદેશ, પંજાબ, હરિયાણા, જમ્મુ અને કાશ્મીર, મધ્ય પ્રદેશ, ગોવા, મહારાષ્ટ્ર, નાગાલેન્ડ, મણિપુર, મિઝોરમ, ત્રિપુરા, ગુજરાત અને અંદમાન-નિકોબાર ટાપુ, કર્ણાટક, પશ્ચિમ બંગાળ, ઓડિશા, આંધ્ર પ્રદેશ, તેલંગાણા, મહારાષ્ટ્ર, રાજસ્થાનના પૂર્વ ભાગો, દક્ષિણ અને દક્ષિણ-પૂર્વ રાજસ્થાન અને તામિલનાડુના કેટલાક ભાગો તેમજ કર્ણાટક, કેરળમાં હળવાથી મધ્યમ વરસાદની સંભાવના છે.

English summary
Heavy rain alert has been issued in many states of the country. According to the Indian Meteorological Department, there is a possibility of heavy rain in five districts of Uttarakhand in the next 24 hours. It has been raining in Dehradun, Mussoorie, Rishikesh, Uttarkashi and Haridwar since yesterday and the Meteorological Department has expressed the possibility of heavy rain here today. Red Alert has been issued here. Rudraprayag-Gauri Kund Highway Sauri is closed due to rain.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X