• search
For Quick Alerts
ALLOW NOTIFICATIONS  
For Daily Alerts

રાજકોટ: રેસકોર્સના બગીચામાં દેખાયા 4 ઝેરી કોબ્રા સાપ, લોકોમાં નાસભાગ

|
Google Oneindia Gujarati News

રાજકોટના રેસકોર્સના બગીચામાં એક સાથે 4 ઝેરી કોબ્રા જોવા મળ્યા હતા. બગીચામાં ઝેરી સાપ દેખાતા લોકોમાં નાસભાગ મચી જવા પામી હતી. ઉલ્લેખનિય છેકે અસહ્ય ગરમી અને બફારો થઈ રહ્યો છે. ત્યારે રેસકોર્ષ ગાર્ડન અને સ્ટેડિયમમાં માત્ર અડધી કલાકમાં ચાર જેટલા નાના-મોટા કોબ્રા પ્રજાતિના સાપ આંટા મારતા જોવા મળ્યા હતા.

રાજકોટ : રેસકોર્સના બગીચામાં એક સાથે 4 ઝેરી કોબ્રા જોવા મળ્યા, લોકોમાં નાસભાગ

ગાર્ડનમાં વોકિંગ માટે અને બગીચામાં પરિવારના નાના-મોટા બાળકો સાથે હરવા-ફરવા આવતા લોકોમાં નાસભાગ મચી ગઈ હતી. હાલમાં સ્ટેડિયમમાં બાળકોનો ક્રિકેટ કોચિંગનો કેમ્પ ચાલી રહ્યો છે. ત્યારે બાળકોમાં પણ ભયની લાગણી સાથે દોડધામ મચી ગઈ હતી. આથી સામાજિક કાર્યકરે રેસ્ક્યૂ કરી અડધા કલાકમાં જ ચાર ઝેરી કોબ્રા સાપ પકડ્યા હતા.

અહી સ્ટેડિયમના દરવાજા પાસે તેમજ ગાર્ડનમાં વોકિંગ ટ્રેક ઉપર અચાનક એક પછી એક એમ ચાર જેટલા કોબ્રા પ્રજાતિના ઝેરી સાપ નીકળતા લોકોમાં નાસભાગ મચી ગઈ હતી. એકબાજુ વોકિંગ ટ્રેક ઉપર અમુક જગ્યાએ લાઈટો બંધ છે અને જ્યાં છે ત્યાં લાઈટની આજુબાજુ ઝાડની ડાળીઓ મોટી થઈને આડી આવી ગઈ હોવાથી લાઈટનો પ્રકાશ ફેલાતો નથી. અમુક જગ્યાએ ઘોર અંધારૂ હોય છે. તેવા સંજોગોમાં આ રીતે ઝેરી સાપ અચાનક જ અસહ્ય ગરમીના કારણે આવી ચડતા ભયનો માહોલ સર્જાયો હતો.

English summary
Rajkot: 4 poisonous cobra snakes appeared in the racecourse garden
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X