India
  • search
For Quick Alerts
ALLOW NOTIFICATIONS  
For Daily Alerts
Oneindia App Download

રાજકોટમાં ગરમીનો 3 વર્ષનો રેકોર્ડ તુટ્યો, તાપમાન 43 ડીગ્રીને પાર

|
Google Oneindia Gujarati News

રાજકોટ સહિત સમગ્ર સૌરાષ્‍ટ્ર કચ્‍છમાં આકરા તાપ સાથે ગરમીએ માઝા મુકી છે. લોકો ત્રાહીમામ પોકારી ઉઠયા છે. ખાસ કરીને બપોરના સમયે રાજમાર્ગો સુમસામ ભાસી જાય છે. દરમિયાન આજે રાજકોટ શહેરમાં 43 ડીગ્રી તાપમાન નોંધાયું છે. આ સાથે રાજકોટમાં ગરમીએ 3 વર્ષનો રેકોર્ડ તોડ્યો છે. સાંજ સુધીમાં હજુ એકાદ ડીગ્રીનો વધારો થશે. આમ આજે દિવસનો સૌથી ગરમ દિવસ નોંધાશે. રાજકોટ સહિત સૌરાષ્‍ટ્રના અનેક શહેરોમાં હીટવેવનો માહોલ છવાયો છે. આકરા તાપ સાથે ગરમીથી લોકોની હાલત દયનીય બની છે. હવામાન શાસ્ત્રીઓનું માનવું છેકે ગરમીનો માહોલ હજુ જળવાઈ રહેશે.

તીવ્ર તાપ વચ્ચે રાજકોટમાં ભેજનું પ્રમાણ ઘટીને 11 ટકા થઈ જતા મોડી સાંજે બહાર નીકળેલા લોકોએ પણ લૂ વરસતી હોવાનો અનુભવ કર્યો હતો. સાંજે સાડા પાંચ વાગ્યે પણ પારો 43 સે.પર રહ્યો હતો અને સાથે 12થી 15 કિ.મી.ની ઝડપે ગરમ પવન ફૂંકાયો હતો. કાળઝાળ તાપથી બપોરના સમયે શ્રમનું કામ કરવાનું લોકો મોટાભાગે ટાળવા લાગ્યા છે, આર્થિક વ્યવહારોને અસર પહોંચી છે અને બજારમાં માર્ગો સૂમસામ થવા લાગ્યા છે.

સૌરાષ્ટ્રમાં આ ઉપરાંત સુરેન્દ્રનગર 44.5, અમરેલી 44,જુનાગઢ - કેશોદ સહિત સોરઠમાં 43.5, જ્યારે અમદાવાદ, ગાંધીનગર સહિત ઉત્તર ગુજરાતમાં 44, દક્ષિણ ગુજરાતમાં વડોદરા 43ને પાર, રાજ્યનું સૌથી વધુ કંડલા એરપોર્ટ ખાતે 45.2 સે.તાપમાને સમગ્ર રાજ્યમાં આજે સીઝનની સૌથી વધુ ગરમી નોંધાઈ છે. ઉલ્લેખનિ ચેકે દ્વારકા, દિવ,વેરાવળ,દમણ સહિતના સ્થળે દરિયાઈ ઠંડા પવનોથી લૂ વર્ષામાં રાહત રહી છે.

English summary
Rajkot breaks 3-year-old record of heat, temperature crosses 43 degrees
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X