Click it and Unblock the Notifications
Just In
-
દિશા પટણીએ બ્લેક બ્રાલેટ ટોપ સાથે ફિટ સ્કર્ટમાં કમર લચકાવતા પોઝ આપ્યા, જુઓ ફોટો! -
બ્લેક મોનોકિનીમાં રિચા ચઢ્ઢાએ હોટ પોઝ આપ્યા, બોલ્ડ લુક વાયરલ! -
વન નાઇટ સ્ટેન્ડના ચક્કરમાં પ્રેગનન્ટ થઈ ગઈ હતી આ એક્ટ્રેસ, એબોર્શન કરાવી છુટકારો મેળવ્યો! -
કોઈને બાહોમાં ભરવાના એટલે કે હગ કરવાના આ ફાયદા મોટા ભાગના લોકો નથી જાણતા!
Weather : રાજકોટ શહેરમાં હળવા ઝાપટા, આ જિલ્લામાં વરસાદની આગાહી
Weather : રાજકોટ શહેરના પૂર્વ વિસ્તારમાં મંગળવારની સાંજે 5 કલાક પછી જ્યારે પ્રિ-મોન્સુન પહેલા વરસાદમાં શહેર ભીંજાયું ત્યારે વાતાવરણમાં ધરખમ ફેરફાર થયો હતો. ઢેબર રોડ, યાજ્ઞિક રોડ, યુનિવર્સિટી રોડ, જંકશન, કાલાવડ રોડ, આજી ડેમ અને મોરબી રોડ પરના રહેવાસીઓએ અસહ્ય ગરમીથી રાહત મેળવી હતી.
રાજકોટ શહેરમાં અચાનક વાદળછાયું વાતાવરણ સર્જાયું હતું અને ભારે પવન સાથે વરસાદ લગભગ અડધા કલાક સુધી શહેરમાં પડ્યો હતો. જ્યારે પૂર્વ ઝોનમાં 13 mm વરસાદ નોંધાયો હતો, જ્યારે મધ્ય ઝોનમાં 4 mm વરસાદ નોંધાયો હતો. ભારે પવનને કારણે બાપુનગર અને જિલ્લા ગાર્ડન વિસ્તારમાં ત્રણથી ચાર વૃક્ષો ધરાશાયી થતા વાહનવ્યવહાર અવરોધાયો હતો.
રાજકોટ મ્યુનિસિપલ કોર્પોરેશને વહેલી તકે રોડને સાફ કરી મુક્ત કરવા ટીમ મોકલી હતી. અચાનક પડેલા વરસાદમાં એવી ખુશી હતી કે, ઘણા લોકો સિઝનના પહેલા વરસાદમાં રસ્તાઓ પર ભીંજાઈ જતા પોતાની જાતને રોકી શક્યા ન હતા.
આ સાથે રાજકોટ શહેરના કુવાડવા રોડ અને બાપુનગર વિસ્તારોમાં થોડા સમય માટે પાણી ભરાઈ જવાનો સામનો કરી રહેલા ઘણા વિસ્તારો સાથે નાગરિક સંસ્થાની વરસાદની તૈયારીનો અભાવ પણ સપાટી પર આવ્યો હતો. મોડી સાંજ સુધી વાતાવરણ વાદળછાયું રહેતા લોકોને આકરી ગરમીમાંથી મોટી રાહત મળી હતી.
રાજકોટ શહેર નજીકના ગામડાઓમાં પણ વરસાદ નોંધાયો હતો. હવામાન વિભાગની આગાહી મુજબ આગામી બે દિવસમાં સૌરાષ્ટ્રના કેટલાક ભાગોમાં હળવો વરસાદ થવાની સંભાવના છે.
ભારત હવામાન વિભાગ (IMD) દ્વારા બહાર પાડવામાં આવેલા બુલેટિનમાં જણાવવામાં આવ્યું છે કે, નવસારી, વલસાડ અને દમણ અને દાદરા નગર હવેલીમાં 25 અને 26 મે ના રોજ છૂટાછવાયા સ્થળોએ હળવો વરસાદ અથવા ગાજવીજ સાથે વરસાદ થવાની સંભાવના છે.
રાજ્યમાં લોકોને આગામી દિવસોમાં ગરમીથી રાહત મળી શકે છે. આગામી દિવસોમાં મહત્તમ તાપમાનમાં 2 થી 3 ડિગ્રી સુધીનો ઘટાડો થાય તેવી શક્યતા છે. હાલ રાજ્યમાં હિટવેવની કોઈ આગાહી કરવામાં આવી નથી. આ સાથે દક્ષિણ પશ્ચિમના પવન ફૂંકાવવાને કારણે ગરમીમાંથી રાહત મળે તેવી શક્યતા છે.
ઉલ્લેખીય છે કે, આ પહેલા ગુજરાતમાં છેલ્લા ઘણા દિવસોથી હવામાનની કોઈ ગતિવિધિ જોવા મળી ન હતી અને હવામાન શુષ્ક અને ગરમ રહ્યું હતું. પૂર્વોત્તર અરબી સમુદ્ર, ગુજરાત અથવા દક્ષિણ પશ્ચિમ રાજસ્થાન પર કોઈ નોંધપાત્ર હવામાન પ્રણાલી વિકસિત થઈ ન હતી, જેણે ગુજરાતને હવામાન પ્રવૃત્તિ આપી હશે. સમગ્ર મે માસ દરમિયાન ગુજરાતનું હવામાન શુષ્ક અને ગરમ રહેશે તેવી આગાહી કરવામાં હતી, પરંતું દક્ષિણ-પશ્ચિમ રાજસ્થાનથી ઉત્તર-પૂર્વ અરબી સમુદ્રમાં પ્રેરિત ચક્રવાતી પરિભ્રમણને કારણે હવામાનમાં ફેરફાર જોવા મળી રહ્યો છે.
