• search
For Quick Alerts
ALLOW NOTIFICATIONS  
For Daily Alerts

વડોદરાના CGST વિભાગના 2 અધિકારી 2.50 લાખની લાંચ લેતા ઝડપાયા

|
Google Oneindia Gujarati News

વડોદરાઃ CGST વિભાગના બે અધિકારી રૂપિયા 2.50 લાખની લાંચ લેતા રંગે હાથ ઝડપાઈ ગયા છે. તેમણે સોફ્ટ ડ્રિન્ક અને નમકીનના વેપારી પાસે લાંચ માંગી હતી. કંપનીને સીલ ન મારવા માટે તેમણે 10 લાખ રૂપિયાની લાંચ માંગી હતી. વડોદરાના સીજીએસટી અધિક્ષક ક્લાસ 2 અધિકારી નીતિનકુમાર રામસિંગ ગૌતમ અને વડોદરા જીએસટીના ક્લાસ 3 ઈન્સ્પેક્ટર શિવરાજ સત્યનારાયણ મીણા રંગે હાથ એસીબીના હાથે ઝડપાયા હતા. તેઓ સીજીએસટીના કાર્યાલયમાં જ લાંચની રકમ લઈ રહ્યા હતા.

હાલોલમાં બાસ્કા નામના ગામમાં કુબેર ફ્લોર એન્ડ ફૂડ પ્રોડક્ટ્સ પ્રાઈવેટ લિમિટેડ નામની એક કંપનીમાં પાણી, સોફ્ટ ડ્રિંક અને નમકીનનુ ઉત્પાદન અને વેચાણનુ કામ થાય છે. 15 મે, 2021ના રોજ સીજીએસટીના અધિકારીઓએ ફેક્ટરીમાં સર્ચ કરીને સમન્સ પાઠવ્યુ હતુ. ત્યારબાદ ટેક્સચોરીના નામે ફેક્ટરી બંધ કરાવવાની ધમકી આપી હતી અને બાદમાં ફેક્ટરીને સીલ ન કરવા માટે 10 લાખની રકમ માંગી હતી. ફરિયાદી પાસેથી એ સમયે 50 હજાર રૂપિયા પડાવી લીધા હતા અને વારંવાર બીજા રૂપિયાની માંગ કરતા હતા.

છેવટે ફરિયાદીએ એસીબીનો સંપર્ક કર્યો હતો. એસીબીએ છટકુ ગોઠવ્યુ હતુ જેમાં શિવરાજ મીણી અઢી લાખ રૂપિયાની રકમ સાથે ઝડપાઈ ગયો હતો. રકમ લીધા બાદ તેણે નીતિન ગૌતમ સાથે વાત કરી હતી ત્યારે એસીબીએ તેને પણ ઝડપી લીધા હતો. છેલ્લા ઘણા સમયથી સીજીએસટીના અધિકારીઓ ગુજરાતમાં વેપારીઓ પાસેથી તોડ કરવાના બનાવો સામે આવી રહ્યા છે. થોડા સમય પહેલા જ અમદાવાદના સીજીએસટીના બે અધિકારીઓ લાખો રૂપિયાની લાંચ લેતા ઝડપાઈ ગયા હતા.

English summary
Vadodara: 2 CGST officers were caught taking bribe of Rs 2.50 lakh.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X