બોક્સ ખુલતા જ ખુલી કિસ્મત, મળ્યા 50 કરોડ

નવી દિલ્હી, 13 જૂનઃ જરા વિચારો એ સમયે તમે કેવો અનુભવ કરશો, જ્યારે કોઇ ખાલી પડેલા ફ્લેટમાં તમે જાઓ અને ત્યાં અમસ્તાં જ ખૂણામાં પડેલા બોક્સને ખોલતાની સાથે જ તમારી કિસ્મતનો પિટારો ખુલે અને તેમને જેકપોટ લાગી જાય તો. આવી કલપ્ના કરવી પણ અશક્ય સમી લાગે છે, પરંતુ આ હકિકતમાં થવા પામ્યું છે. ડેલી મેઇલમાં છપાયેલા અહેવાલ અનુસાર લંડનના એક ખાલી ફ્લેટમાં એક ટીવી ક્રૂને બોક્સમાંથી 50 કરોડ રૂપિયા મળ્યા.

કોઇ કાર્યક્રમનું શૂટિંગ કરવા માટે ટીવી ક્રૂ કોઇ અનોખા સ્થળની શોધમાં હતા, ત્યારે તેમને લંડનના સિલ્વરટાઉનમાં એક ખાલી ફ્લેટ દેખાયો. તેઓ ત્યાં શૂટિંગ કરી રહ્યાં હતા. શૂટિંગ દરમિયાન જ તેમને એક એવું લાકડાની બોક્સ મળ્યું, જેને તેમની નજર ખેંચી.

જ્યારે ટીમના કેટલાક મેમ્બરોએ બોક્સ ખોલ્યું તો અચાનક નોટોનો વરસાદ થવા લાગ્યો. ટીવી ક્રૂ હેરાન થઇ ગયો. જ્યારે તેમણે ધ્યાનથી જોયું તો એ વાત અંદાજો થયો કે આ કંઇ નાની અમથી રકમ નહીં પરંતુ અંદાજીત 50 કરોડ છે. અચાનક આટલા બધા રૂપિયા મળવાથી આખી ટીમને લાગ્યું કે કિસ્મત ખુલી ગઇ, પરંતુ આ મામલામાં ફસાવા કરતા તેમણે પોલીસે બોલાવવી જ યોગ્ય સમજી. તેમણે તુરત જ આ અંગે પોલીસને સૂચિત કરી. જાણ થતાં જ પોલીસ તુરંત ઘટના સ્થળે પહોંચી અને રૂપિયાને સીઝ કરી લીધા. જોકે એ વાતની તપાસ કરવામાં આવી રહી છેકે આ પૈસા આવ્યા ક્યાંથી? જોકે પોલીસે આ મામલે કોઇ આતંકવાદી હાથ હોવાની સંભાવનાને નકારી છે.

English summary

A TV crew making a documentary about bailiffs was shocked to find 5million- worth of dollars hidden inside a wooden box in a flat.