અફઘાનિસ્તાન: ISISના ઠેકાણાઓ પણ હવાઇ હુમલો,12 આતંકી ઠાર
અફઘાનિસ્તાનના ફરાહ પ્રાંતના પોશટ્રોડ જિલ્લામાં તાલિબાન આતંકી દ્વારા એક હુમલો કરવામાં આવ્યો હતો. તે હુમલામાં ઓછામાં ઓછા ચાર લોકોના મૃત્યુ થયા છે. આ અંગે વધુ વાંચો અહીં.
અફઘાનિસ્તાનના ફરાહ પ્રાંતના પોશટ્રોડ જિલ્લામાં તાલિબાન આતંકી દ્વારા કરવામાં આવેલ એક હુમલામાં ઓછામાં ઓછા ચાર લોકોનું મૃત્યુ થયું છે. તોલો ન્યૂઝના અહેવાલો અનુસાર, આ ઘટના શુક્રવારે રાત્રે થઇ, જેમાં ત્રણ પોલીસ કર્મચારી અને એક ઠેકેદારનું મૃત્યુ થયું હતું. ફરાહના ગવર્નર નસીર મેહરીના પ્રવક્તાએ કહ્યું કે, તાલિબાને એ વખતે હુમલો કર્યો, જ્યારે પોલીસ દળના સભ્યો પ્રાંતના કેન્દ્રમાં રસ્તા પર હતા. તાલિબાને આ ઘટના અંગે હજુ સુધી કોઇ ટિપ્પણી નથી કરી.
તો બીજી બાજુ, અફઘાનિસ્તાનના જ નાંગરહાર પ્રાંતમાં વિદેશી બળો તરફથી કરવામાં આવેલ બે હવાઇ હુમલાઓમાં ઇસ્લામિક સ્ટેટ(આઇએસ) આતંકી સમૂહમાં ઓછામાં ઓછા 12 આતંકીઓ ઠાર મરાયા હતા અને આઠ અન્ય ઘાયલ થયા હતા. તોલો ન્યૂઝના શનિવારના અહેવાલ અનુસાર, સ્થાનિક અધિકારીઓએ જણાવ્યું હતું કે, ખોગ્યાની અને અચિન જિલ્લાના વજીર તંગ વિસ્તારમાં 2 અલગ-અલગ આઇએસ ઠેકાણાઓ પર હવાઇ હુમલો કર્યો હતો. આ ઘટના પર અત્યાર સુધીમાં કોઇ સમૂહે કોઇ ટિપ્પણી કરી નથી.