ગરબાના તાલે અમેરિકન પોલીસ પણ ઝૂમી ઉઠી, જુઓ વીડિયો
ગરબાના તાલે અમેરિકન પોલીસ પણ ઝૂમી ઉઠી, જુઓ વીડિયો
ન્યૂ જર્સીઃ નવલા નોરતા શરૂ થયા તેના 6 દિવસ પૂર્ણ થઈ ગયા છે ત્યારે ખેલૈયાઓ ગરબાના તાલે ગરબાની રમઝમાટ બોલાવી રહ્યા છે. દેશ-વિદેશમાં ગરબા પ્રખ્યાત થયા છે. માત્ર ગુજરાતીઓ જ નહિ પણ ગરબાનો ચસ્કો આ વખતે અમેરિકન પોલીસને પણ લાગ્યો. હાલ ઈન્ટરનેટ પર એક વીડિયો વાયરલ થઈ રહ્યો છે. આ વીડિયો અમેરિકાના ન્યૂ જર્સી શહેરમાં રહેતા હેમંતભાઈ સુખડિયાએ શેર કર્યો હતો. વીડિયોમાં જોઈ શકાય છે કે ન્યૂ જર્સીના રસ્તા પર ગુજરાતીઓ તો ગરબે રમી જ રહ્યા છે પણ તેમની સાથે અમેરિકાની પોલીસ પણ ઝૂમી ઉઠી હતી.
દેશભરમાં નવરાત્રીનું અનેરૂં મહત્વ છે. ગુજરાતમાં રાસ-ગરબા અને માતાના 9 રૂપોની પૂજા કરવામાં આવે છે તો બંગાળમાં દૂર્ગા પૂજાનો તહેવાર સૌથી વધુ લોકપ્રિય છે જ્યારે દક્ષિણ ભારતમાં ગરબા રમવા એટલા બધા પ્રચલિત નથી પણ અહી દશેરાનું ખાસ મહત્વ છે અને દક્ષિણ ભારતીયો ધામધૂમથી દશેરાની ઉજવણી કરે છે. અમેરિકામાં ગરબે ઘૂમતા પોલીસવાળાઓનો વીડિયો જુઓ.
ગુજરાતના વિવિધ સ્થળોએ તમને વિવિધ પ્રકારના ગરબાની પરંપરા જોવા મળે છે. જેમ કે રાજકોટમાં રાજપૂત મહિલાઓ તલવાર ગરબા રમે છે અને આ ગરબા રમી તેઓ સંદેશો પાઠવે છે કે જરૂર પડ્યે મહિલાઓ પણ તલવાર ઉઠાવીને સ્વરક્ષણ માટે સક્ષમ છે. જ્યારે જામનગરમાં અંગારા પર ગરબા રમવાની અલગ જ પરંપરા છે. ગયા વર્ષે ન્યૂઝીલેન્ડનો પણ એક વીડિયો વાયરલ થયો હતો જેમાં ગુજરાતીઓની સાથે ન્યૂઝીલેન્ડના લોકો પણ ગરબા રમતા જોવા મળ્યા હતા. અહીં જુઓ તલવાર ગરબાનો વીડિયો.
આ પણ વાંચો- શું રાણી ફરી બનશે રાજસ્થાનની મહારાણી, શું કહે છે વસુંધરા રાજેની કુંડળી?