ભારતીય મૂળના બૉબી જિંદાલ 2016માં ઓબામાનું પદ સંભાળવા તત્પર
વૉશિંગ્ટન, 23 ડિસેમ્બર: અમેરિકામાં લૂઇસિયાનાના એક શ્રેષ્ટ સીનેટરે જણાવ્યું છે કે રિપબ્લિકન પાર્ટીના શ્રેષ્ટ નેતા અને લૂઇસિયાના પ્રાંતના વર્તમાન ગવર્નર બૉબી જિંદાલ વર્ષ 2016માં અમેરિકાના રાષ્ટ્રપતિ પદ માટે ચૂંટણીમાં નસીબ અજમાવાની યોજના બનાવી રહ્યા છે.
સીનેટર ડેવિડ વિટરે એક ખાનગી અમેરિકન ટીવી ચેનલ સી-એસપીએએનના કાર્યક્રમ ન્યૂઝમેકર્સમાં જણાવ્યું કે મને લાગે છે કે જિંદાલ રાષ્ટ્રપતિ પદ માટેની ચૂંટણીમાં ઊભા રહી શકે છે. તેમણે જણાવ્યું કે હું બૉબીને પસંદ કરું છું, તેમના નેતૃત્વનું સન્માન કરું ચું અને તેમના તમામ રાજનૈતિક મૂલ્યોથી સહમત છું. પરંતુ મેં એ નથી વિચાર્યું કે હું વ્યક્તિગત રીતે શું કરીશ અને શું નહીં કરું.
જિંદાલનું લૂસિયાનાના ગવર્નર તરીકે બીજો કાર્યકાળ વર્ષ 2015માં પૂરો થઇ રહ્યો છે. તેઓ ત્રીજા કાર્યકાળ માટે ચૂંટણી લડી શકે છે. વિટર ગવર્નરની ચૂંટણીમાં ઊભા રહેવાનો વિચાર કરી રહ્યા છે. તેમણે જણાવ્યું, 'હું આશા રાહું છું કે અમે જાન્યુઆરીમાં કોઇ ચોક્કસ પરિણામ પર આવી જઇશું.'