• search
For Quick Alerts
ALLOW NOTIFICATIONS  
For Daily Alerts

કૉલીન પોવેલ : USના પૂર્વ સેક્રેટરી ઑફ સ્ટેટનું નિધન - BBC TOP NEWS

By Bbc Gujarati
|
Google Oneindia Gujarati News

અમેરિકાના પૂર્વ સેક્રેટરી ઑફ સ્ટેટ કૉલીન પોવેલનું 84 વર્ષની વયે કોરોનાના કારણે મૃત્યુ થયું છે.

આ ટોચના મિલિટર ઑફિસરનું કોરોનાની સામે તેમનું સંપૂર્ણ રસીકરણ થયેલું હતું. તેમના પરિવારના જણાવ્યા પ્રમાણે સોમવારે સવારે તેમનું અવસાન થયું છે.

વર્ષ 2001મા અમેરિકામાં રિપબ્લિકન પાર્ટીના જ્યૉર્જ બુશ રાષ્ટ્રપતિ હતા, એ વખતે પોવેલ સેક્રેટરી ઑફ સ્ટેટ બનનારા પ્રથમ આફ્રિકન-અમેરિકન હતા.

અગાઉ તેમને પાર્કિન્સન્સ અને એક પ્રકારના બ્લડકૅન્સરનું નિદાન થયું હતું.

તેમના અવસાન બાદ વર્તમાન રાષ્ટ્રપતિ જો બાઇડન અને પૂર્વ રાષ્ટ્રપતિ જ્યૉર્જ બુશ સહિતના નેતાઓએ અંજલિરૂપે સંદેશ પાઠવ્યા હતા.

કૉલીન પોવેલે ઇરાક યુદ્ધનું સમર્થન કર્યું હતું અને મહત્ત્વની ભૂમિકા ભજવી હતી. તેમણે ડેમૉક્રેટ ઉમેદવાર બરાક ઓબામા અને બાઇડનને પણ ટેકો આપ્યો હતો તો તાજેતરમાં કૅપિટલ હિંસામાં ડોનાલ્ડ ટ્રમ્પની આકરી ટીકા કરી હતી.

કૉલીન પોવેલને બે વાર અમેરિકાનો પ્રેસિડેન્ટ મેડલ એનાયત થયો હતો.


પુંછમાં હુમલાનો નવા સંગઠનનો દાવો, નવ દિવસથી સેનાનું અભિયાન જારી

કાશ્મીરના પુંછમાં સેનાનું નવ દિવસથી અભિયાન જારી

જમ્મુ-કાશ્મીરના પુંછમાં LoC પાસે સુરક્ષાદળો અને ઉગ્રવાદીઓ વચ્ચે છેલ્લા નવ દિવસથી ઘર્ષણ ચાલી રહ્યું છે, જેની જવાબદારી એક નવા ઉગ્રવાદી સંગઠને લીધી છે.

અંગ્રેજી અખબાર ધ હિંદુ લખે છે કે પીપલ્સ ઍન્ટિ ફાસિસ્ટ ફ્રન્ટ (PAFF) નામના સંગઠને આઠ મિનિટનો એક વીડિયો બહાર પાડ્યો છે.

ટેલિગ્રામ મોબાઇલ ઍપની પર રજૂ કરાયેલા વીડિયોમાં એક માણસ કાશ્મીરી ભાષામાં 11 ઑક્ટોબરથી શરૂ થયેલા ઘટનાક્રમ વિશે વાત કરતો જોવા મળે છે.

વીડિયોમાં દાવો કરાયો છે કે બે અજ્ઞાત ઉગ્રવાદીઓએ 10 કલાક સુધી એક આર્મી પેટ્રોલ પાર્ટીનો પીછો કર્યો અને બીજે દિવસે તેમના ટૅન્ટ પર હુમલો કર્યો.



https://www.youtube.com/watch?v=glZJH2hFzBo

તમે અમને ફેસબુક, ઇન્સ્ટાગ્રામ, યૂટ્યૂબ અને ટ્વિટર પર ફોલો કરી શકો છો

English summary
Colin Powell: Former US Secretary of State dies
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X