ભારત-કેનેડા વિવાદ વચ્ચે એંટની બ્લિંકનને મળ્યા વિદેશ મંત્રી એસ જયશંકર

India-Canada Row: કેનેડા સાથે ચાલી રહેલા વિવાદ વચ્ચે ભારતના વિદેશ મંત્રી એસ જયશંકરે વૉશિંગ્ટનમાં અમેરિકાના વિદેશ મંત્રી એન્ટની બ્લિંકન સાથે મુલાકાત કરી છે. આ દરમિયાન બંને નેતાઓ વચ્ચે વૈશ્વિક વિકાસ સહિત અનેક મુદ્દાઓ પર ચર્ચા થઈ હતી.

આ દરમિયાન વૈશ્વિક વિકાસ અંગે પણ ચર્ચા કરવામાં આવી હતી. 2+2 મીટિંગ માટે ગ્રાઉન્ડ લેવલની તૈયારીઓ પર પણ ચર્ચા કરવામાં આવી હતી. તમને જણાવી દઈએ કે એસ જયશંકર હાલ 5 દિવસના અમેરિકા પ્રવાસ પર છે.

તમને જણાવી દઈએ કે G-20 બેઠક બાદ બંને નેતાઓ વચ્ચે આ પ્રથમ ઉચ્ચ સ્તરીય બેઠક છે. ભારત-યુએસ 2+2 મંત્રી સ્તરની બેઠક નવી દિલ્હીમાં યોજાવાની છે, વિદેશ મંત્રીએ ગુરુવારે આની જાહેરાત કરી છે.

જો કે આ બેઠકની તારીખો હજુ જાહેર કરવામાં આવી નથી. માનવામાં આવી રહ્યું છે કે નવેમ્બરના પહેલા સપ્તાહમાં મંત્રી સ્તરની આ બેઠક યોજાઈ શકે છે. બ્લિંકન અને સંરક્ષણ સચિવ લૉયડ ઑસ્ટિન આ બેઠકમાં યુએસ પ્રતિનિધિમંડળ સાથે જોડાશે. એસ જયશંકર અને રક્ષા મંત્રી રાજનાથ સિંહ ભારતીય પ્રતિનિધિમંડળનું નેતૃત્વ કરશે.

ખાલિસ્તાની આતંકવાદી નિજ્જરની હત્યાને લઈને ભારત અને કેનેડા વચ્ચે રાજદ્વારી સ્તરે જે રીતે તણાવ છે તે અંગે બંને નેતાઓ વચ્ચે કોઈ ચર્ચા થઈ નથી. રિપોર્ટ અનુસાર, બ્લિંકને આ સમગ્ર વિવાદ પર મીડિયાને કંઈપણ કહેવાનો ઈન્કાર કર્યો હતો.

નોંધનીય છે કે કેનેડાના વડાપ્રધાન જસ્ટિન ટ્રુડોએ કહ્યું હતું કે નિજ્જરની હત્યા પાછળ ભારતીય એજન્ટોનો હાથ છે, જેને ભારતે સંપૂર્ણપણે નકારી કાઢ્યો હતો. અગાઉ ગુરુવારે એસ જયશંકરે વ્હાઇટ હાઉસની મુલાકાત લીધી હતી, જ્યાં તેઓ NSA જેક સુલિવાનને મળ્યા હતા. આ બેઠક અંગે વ્હાઇટ હાઉસ દ્વારા કોઇ નિવેદન બહાર પાડવામાં આવ્યું નથી.

English summary

Foreign minister S Jaishankar met US secretary of state Antony Blinken amid India-Canada Row