દુનિયાનું સૌથી નાપાક શહેર છે કરાંચી: રિપોર્ટ
કરાંચી, 10 સપ્ટેમ્બર: દુનિયામાં આતંકવાદના એક ગઢના રૂપમાં જાણીતા પાકિસ્તાનના મુખ્ય શહેર કરાંચીને 'દુનિયાનું સૌથી ખતરનાક' શહેર દર્શાવવામાં આવ્યું છે. એક મીડિયા રિપોર્ટ અનુસાર પાકિસ્તાના ઉત્તર પશ્વિમમાં આતંકવાદના કારણે આ સ્થળોના નિવાસી આ શહેરમાં શરણ લઇ રહ્યાં છે. તો બીજી તરફ રોજગારની સમસ્યાના કારણે 2000 થી 2010 દરમિયાન અહીંની વસ્તીમાં 80 ટકાથી વધારે વધારો થયો છે.
મેગેજીન 'ફોરન પોલેસીના રિપોર્ટના અનુસાર કરાંચીમાં હત્યાનો દર 1,00,000 રહેવાસીઓમાં 12.3 ટકા છે. જે દુનિયાના અન્ય કોઇપણ શહેર કરતાં 25 ટકા વધારે છે. રિપોર્ટમાં એ પણ કહેવામાં આવ્યું છે કે અહીં આપરાધિક અને તસ્કરી ગેંગ ચલાવનાર લોકોની હાજરી વધતી જાય છે. ગત એક દાયકામાં એક ન્યૂયોર્ક શહેર જેટલી સંખ્યા આ શહેરમાં વસી છે.
દુનિયામાં આતંકવાદનો ગઢ માનવામાં આવતાં પાકિસ્તાનની સ્થિત પલાયન માટે ખાસ જવાબદાર છે. અત્રે ઉલ્લેખનીય છે પાકિસ્તાનમાં અલ્પસંખ્યક શિયા સમુદાયની સભાઓ અને મસ્જિદો પર સુન્ની સમુદાય દ્વારા સતત હુમલા કરવામાં આવે છે, જેથી દેશનો સામાન્ય નાગરિક અસુરક્ષિત અનુભવે છે. આતંકવાદીઓ ઉપરાંત રાજકીય પક્ષો સાથે જોડાયેલ ગેંગ પણ વસૂલીના રેકેટ ચલાવે છે અને લોકોની જમીન પણ છિનવી લે છે. કરાંચીમાં ગત એક દાયકામાં અચાનક વધતી જતી વસ્તીએ કાનૂન વ્યવસ્થાને નબળી બનાવી દિધી છે.