ન્યુયોર્કમાં મનમોહન શરીફ વચ્ચે થશે દ્વિપક્ષીય ચર્ચા

વૉશિંગ્ટન, 25 સપ્ટેમ્બર : અમેરિકામાં મળી રહેલી સંયુક્ત રાષ્ટ્રની મહાસભામાં ભાગ લેવા વડાપ્રધાન મનમોહન સિંહ આજે અમેરિકાની મુલાકાતે છે. પોતાની એક સપ્તાહની મુલાકાત દરમિયાન તેઓ અહીં સંયુક્ત રાષ્ટ્ર મહાસભાને સંબોધિત કરશે. આ યાત્રા દરમિયાન તેઓ ઓબામા ઉપરાંત પાકિસ્તાનના વડાપ્રધાન નવાઝ શરીફ સાથે પણ મુલાકાત કરશે.

ગત ત્રણ માસથી પાકિસ્તાની સેના દ્વારા LOC પર અનેક વાર યુદ્ધ વિરામનો ભંગ કરાયો છે. જેને પગલે ભારત પાકિસ્તાનના સંબંધોમાં ભારે તણાવ છે, ત્યારે આ ઘટનાઓ બાદ પહેલી વાર વડાપ્રધાન અને નવાઝ શરીફ વચ્ચે બેઠક થશે. વડાપ્રધાન સિંહ બાંગ્લાદેશના વડાપ્રધાન શેખ હસીના સાથે પણ મુલાકાત કરશે.

વૉશિંગ્ટનમાં વડાપ્રધાન 27 સપ્ટેમ્બરે ઓબામા સાથે મુલાકાત કરશે. આ દરમિયાન તેમની વચ્ચે ભારત-અમેરિકાના અસૈનિકી પરમાણુ કરાર ઉપરાંત સંરક્ષણ મુદ્દાઓ અંગે ચર્ચા થશે. જ્યારે મનમોહન સિંહ અને નવાઝ શરીફ વચ્ચે 29 સપ્ટેમ્બરે ચર્ચા થવાની શક્યતા છે.

આ મહત્વપૂર્ણ ચર્ચામાં ભારત પાકિસ્તાન સામે આતંકવાદ, સરહદ પર થઇ રહેલા ગોળીબાર વગેરે જેવા મુદ્દાઓ પર ચર્ચા કરશે.

English summary

Manmohan will bilateral talks with Sharif in New York