FATFની ગ્રે લિસ્ટમાંથી બહાર થયુ પાકિસ્તાન, ભારતે જતાવી નારાજગી

19 ઓક્ટોબરના રોજ પેરિસ સ્થિત સંસ્થા ફાઇનાન્સિયલ એક્શન ટાસ્ક ફોર્સ (FATF), જે ટેરર ​​ફાઇનાન્સિંગ પર નજર રાખે છે, તેણે પાકિસ્તાનને ગ્રે લિસ્ટમાંથી બહાર કર્યુ છે, જેના કારણે ભારતે સખત નારાજગી વ્યક્ત કરી છે. ભારતે નારાજગી વ્યક્ત કરતા કહ્યું કે આતંકવાદ સામેની લડાઈમાં આ કાળો ધબ્બો છે.

કાશ્મીરના લેફ્ટનન્ટ ગવર્નર મનોજ સિંહાએ પણ પાકિસ્તાનના FATF યાદીમાંથી બહાર થતા ટિપ્પણી કરી છે. એક ખાનગી ટીવી ચેનલ સાથેની વાતચીતમાં તેમણે કહ્યું હતું કે આપણા પાડોશી ભારતમાં શાંતિથી ખુશ નથી. કયો દેશ આતંકવાદને સમર્થન આપી રહ્યો છે તેના પર દુનિયાની નજર છે. અમારું વિદેશ મંત્રાલય (MEA) સતર્ક છે અને યોગ્ય પગલાં લે છે.

18 જુનમાં ગ્રે લિસ્ટમાં કરાયુ હતુ સામેલ

તમને જણાવી દઈએ કે પાકિસ્તાનને જૂન 2018માં FATF દ્વારા ગ્રે લિસ્ટમાં સામેલ કરવામાં આવ્યું હતું. FATF તે સમયે આતંકવાદને વિશ્વની નાણાકીય વ્યવસ્થા માટે એક મોટો ખતરો માનતો હતો, જેમાં ગેર-સરકારી સંસ્થાઓમાં ખોટી ભંડોળ, અનિયમિતતા, તપાસનો અભાવ, મની લોન્ડરિંગનો સમાવેશ થાય છે. FATFએ અગાઉ પાકિસ્તાનને 27 મુદ્દાઓ પર કામ કરવા કહ્યું હતું. આ પછી આ પોઈન્ટને વધારીને 34 અને પછી 40 કરવામાં આવ્યા હતા.

પાકિસ્તાનને અત્યાર સુધીમાં 3 વખત ગ્રે લિસ્ટમાં આવી ચૂક્યું છે. 2008માં તે પ્રથમ વખત આ યાદીમાં આવ્યો હતો. જે બાદ તે 2012માં અને છેલ્લી વખત 2018માં આ લિસ્ટમાં સામેલ થયો હતો. તમને જણાવી દઈએ કે FATF પ્રેસિડન્સી બે વર્ષ માટે સિંગાપોર પાસે છે. IMF, UN, World Bank, Interpol અને Financial Intelligence Unit પણ 206 સભ્યોની યાદીમાં સામેલ છે. ગુરુવારે શરૂ થયેલી બે દિવસીય બેઠકમાં એ પણ તપાસવામાં આવશે કે કયા દેશો આંતરરાષ્ટ્રીય નાણાકીય વ્યવસ્થા માટે ખતરો છે. બેઠકમાં પારદર્શિતા પર સૌથી વધુ નજર રહેશે.

English summary

Pakistan Out From the FATF Grey list, india Opposed