Click it and Unblock the Notifications
Just In
અમેરિકાના રિપોર્ટમાં પાકિસ્તાનના જુઠ્ઠાણાની ખુલી પોલ, કહ્યું- આતંકવાદીઓ માટે સુરક્ષિત આશ્રયસ્થાન
ભારતમાં થઈ રહેલી આતંકવાદી ગતિવિધિઓ પાછળ પાકિસ્તાનનો હાથ છુપાયેલો નથી. ભારત સતત પાકિસ્તાનના નાપાક ચહેરાને વિશ્વ મંચ પર ઉજાગર કરી રહ્યું છે કે કેવી રીતે પાકિસ્તાનની અંદર આતંકવાદી લૉન્ચપેડ કાર્યરત છે અને ત્યાં આતંકવાદીઓને તૈયાર કરીને મોકલે છે. ભારતની આ વાત પર અમેરિકાએ પણ મહોર મારી છે. અમેરિકાએ પાકિસ્તાનને આતંકવાદીઓ માટે સુરક્ષિત આશ્રયસ્થાન ગણાવ્યું છે, જ્યાં આતંકવાદી જૂથો અને તેમના આકાઓ આઝાદીથી ફરે છે.
યુએસ સ્ટેટ ડિપાર્ટમેન્ટે આતંકવાદ પરના પોતાના રિપોર્ટમાં કહ્યું છે કે ભારતને નિશાન બનાવતા આતંકવાદી જૂથો પાકિસ્તાનમાંથી કાર્યરત છે અને ઈસ્લામાબાદ આ જૂથો વિરુદ્ધ કોઈ કાર્યવાહી કરી રહ્યું નથી. અમેરિકાએ પોતાના રિપોર્ટમાં કુખ્યાત આતંકવાદી સંગઠન જૈશ-એ-મોહમ્મદના સંસ્થાપક મસૂદ અઝહરનો પણ ઉલ્લેખ કર્યો છે. મસૂદ અઝહરને સંયુક્ત રાષ્ટ્ર દ્વારા કુખ્યાત આતંકવાદીઓની યાદીમાં રાખવામાં આવ્યો છે. આ સાથે મુંબઈ હુમલાના પ્રોજેક્ટ મેનેજર કહેવાતા સાજિદ મીરનું નામ પણ છે, જે પાકિસ્તાનમાં ખુલ્લેઆમ ફરે છે.
યુએસ સેક્રેટરી ઑફ સ્ટેટ એન્ટની બ્લિંકને ગુરુવારે આતંકવાદ પર 2020 રિપોર્ટ જાહેર કર્યો, જેમાં કહેવામાં આવ્યું છે કે આતંકવાદી જૂથો હજુ પણ પાકિસ્તાનમાંથી તેમની કામગીરી ચાલુ રાખી રહ્યા છે.
યુએસ સેક્રેટરી ઑફ સ્ટેટ એન્ટની બ્લિંકને ગુરુવારે આતંકવાદ પર 2020 રિપોર્ટ જાહેર કર્યો, જેમાં કહેવામાં આવ્યું છે કે આતંકવાદી જૂથો હજુ પણ પાકિસ્તાનમાંથી તેમની કામગીરી ચાલુ રાખી રહ્યા છે.
શું છે રિપોર્ટમાં?
અહેવાલ મુજબ અફઘાનિસ્તાન તાલિબાન અને તેની સંલગ્ન હક્કાની નેટવર્ક અફઘાનિસ્તાન તેમજ ભારતને નિશાન બનાવતા આતંકવાદી જૂથો, જેમાં લશ્કર-એ-તૈયબા, તેના સંલગ્ન આતંકવાદી સંગઠનો અને જૈશ-એ-મોહમ્મદનો સમાવેશ થાય છે, પાકિસ્તાનની ધરતી પરથી સંચાલિત છે.
રિપોર્ટમાં કહેવામાં આવ્યું છે કે પાકિસ્તાને અન્ય જાણીતા આતંકવાદીઓ જેમ કે જૈશ-એ-મોહમ્મદના સ્થાપક અને યુએન-બાઉન્ટી આતંકવાદી મસૂદ અઝહર અને 2008ના મુંબઈ હુમલાના "પ્રોજેક્ટ મેનેજર" મીર વિરુદ્ધ કાર્યવાહી કરી નથી. આ બંને પાકિસ્તાનમાં છૂટથી ફરે છે.
જો કે, અહેવાલમાં એ પણ ઉલ્લેખ કરવામાં આવ્યો છે કે ફેબ્રુઆરીમાં અને ફરીથી નવેમ્બરમાં લાહોરની અદાલતે લશ્કર-એ-તૈયબાના સ્થાપક હાફિઝ સઇદને આતંકવાદને નાણાં પૂરા પાડવા માટે દોષિત ઠેરવ્યો હતો અને તેને પાંચ વર્ષ અને છ મહિનાની જેલની સજા ફટકારી હતી.
