• search
For Quick Alerts
ALLOW NOTIFICATIONS  
For Daily Alerts

પાકિસ્તાને અણુ સક્ષમ મિસાઇલ બાબરનું સફળ પરીક્ષણ કર્યું

|

ઇસ્લામાબાદ, 17 સપ્ટેમ્બર : ભારતને ધ્યાનમાં રાખીને પોતાની અણુ ક્ષમતા વધારવાના હેતુથી પાકિસ્તાને સોમવાર બાબર મિસાઇલનું સફળ પરીક્ષણ કર્યું હતું. બાબર ખૂબ સરળતાથી ભારતના આંતરિક વિસ્તારોમાં હૂમલો કરવા માટે સક્ષમ છે. પાકિસ્તાનના ભૂમિદળે આ અંગે જણાવ્યું કે દેશમાં નિર્મિત મિસાઇલથી દેશની શક્તિમાં વધારો થયો છે. બાબર 700 કિલોમીટરની મારક ક્ષમતા ધરાવે છે. આ ઉપરાંત તે અણુ અસ્ત્ર લઇ જવાથી લઇને રડારમાં ઝડપાઇ નહીં જવાની ટેકનોલોજી અને અન્ય અસ્ત્રો લઇ જવા માટે સક્ષમ છે.

આ મિસાઇલના સફળ પરીક્ષણ બાદ તેને પાકિસ્તાન માટેની મોટી સિધ્ધિ ગણાવવામાં આવે છે. આ મિસાઇલને મલ્ટી ટ્યુબ મિસાઇલ લોન્ચ વ્હીકલથી છોડવામાં આવી હતી. આ મિસાઇલ જમીન અને દરિયામાં અચૂક નિશાન લગાવવા અંગે સક્ષમ છે. તેનાથી ભારતના આંતરિક શહેરોમાં નિશાન લગાવવામાં પણ સક્ષમ છે.

પાકિસ્તાનના જોઇન્ટ ચીફ ઓફ સ્ટાફ કમિટીના અધ્યક્ષ ખાલિદ શમીન વાયનેએ આ પરીક્ષણ થયું હોવાના અહેવાલોને સમર્થન આપ્યું હતું. પાકિસ્તાનના રાષ્ટ્રપતિ આસિફ અલી ઝરદારી અને વડાપ્રધાન યુસુફ રઝા ગિલાનીએ બાબરના સફળ પરીક્ષણ બાદ વિજ્ઞાનીઓ અને એન્જિનિયર્સને અભિનંદન પાઠવ્યા હતા. બાબર એટલે કે હત્ફ -7ને પાકિસ્તાનમાં જ વિકસાવવામાં આવેલી મલ્ટી ટ્યુબ ક્રૂઝ મિસાઇલ તરીકે ઓળખાવવામાં આવી છે.

English summary
Pakistan on Monday successfully test-fired the indigenously developed multi-tube cruise missile Hatf-VII (Babur).
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X