મુસ્લિમ વિરોધી વિડિયોનો વિરોધ મધ્યપૂર્વની બહાર પહોંચ્યો
મધ્યપૂર્વમાં શરૂ થયેલા વિરોધનો જુવાળ પશ્ચિમના દેશોમાં પણ પ્રસર્યો હતો. વિશ્વના મુસ્લિમ નેતાઓને આ મુદ્દે લડત આપવા માટે અપીલ કરવામાં આવી હતી. જેમાં ઇજિપ્તના નવા ઇસ્લામિસ્ટ પ્રેસિડેન્ટ મોહમ્મદ મોરસીનો પણ સમાવેશ થાય છે. જેમના દેશમાં 9/11ની વરસીના ત્રણ દિવસ પહેલા વિરોધ પ્રદર્શનો યોજાયા હતા.
વાંધાજનક વિડિયો સામે ઉભો થયેલો વિરોધનો વંટોળ ઉત્તર અમેરિકાથી દક્ષિણ અમેરિકા અને ઇન્ડેનિશિયા સુધી પહોંચ્યો છે. આ વિસ્તારમાં કેટલાક પ્રદર્શનોએ વિનાશક અને નુકસાનકારી સ્વરૂપ ધારણ કર્યું છે. ટ્યુનેશિયા અને સુદાનમાં આવેલી અમેરિકાના દૂતાવાસને નિશાન બનાવવામાં આવતા અમેરિકાના 65 દૂતાવાસમાં સાવચેતી માટે સાવધાન કરતા સંદેશાઓ તાત્કાલિક પહોંચાડવામાં આવ્યા હતા.
ટ્યુનેશિયા ખાતે આવેલા અમેરિકાના દૂતાવાસ બહાર થયેલા વિરોધ પ્રદર્શનમાં પ્રદર્શનકારીઓ અને સુરક્ષાદળો વચ્ચે થયેલી અથડામણમાં ત્રણનાં મોત નિપજ્યાં હતાં અને 28થી વધારે ઘાયલ થયા હતા. લેબનોનમાં પોપ બેનેડિક્ટ 15માની મુલાકાત સમયે થયેલા વિરોધમાં એકનું મોત અને 25 લોકો ઘાયલ થયા હતા. આ પ્રદર્શનોમાં હજારો પેલેસ્ટિયન્સ જોડાયાં છે.
આ વિરોધ હવે યમન, બાંગ્લાદેશ, કતાર, કુવૈત, બેહરિન, ભારત, પાકિસ્તાન, ઇરાક, સિરિયા, નાઇજિરિયા, ડમાસ્કસ અને ઇન્ડોનેશિયામાં પણ શરૂ થઇ ગયો છે.