• search
For Quick Alerts
ALLOW NOTIFICATIONS  
For Daily Alerts

આ શું, કાચબો બન્યો સ્મોકર, પીવે છે 10 સિગારેટ!!!

|
Google Oneindia Gujarati News

એક કાચબો દિવસની 101 સિગારેટ પી જાય છે. આ વાત તમારા માન્યામાં આવે છે? કદાચ તમે નહીં માનો અને આશ્ચર્ય થશે. પણ હકીકત છે કે કાચબો સિગરેટ પીવે છે. તેને સિગરેટની લત છે. આ કાચબો દિવસની 10 સિગારેટ પીવે છે.

ચીનના ચાંગચુંગ વિસ્તારનો આ કાચબો સ્મોકર કાચબા તરીકે પણ જાણીતો બન્યો છે. તેણે સિગારેટ પીવાની શરૂ કરી ત્યાર પછી તેને તેની ટેવ પડી ગઇ છે. આ અંગે એક સ્થાનિક વ્યક્તિ ટેંગે જણાવ્યું કે એક મહિના પહેલા કાચબાએ ભૂલથી સિગરેટ પી લીધી હતી. હવે તેને દરરોજ સિગરેટ પીવા જોઇએ છે. તેને સિગરેટની લત લાગી ગઇ છે.

મહત્વની વાત એ છે કે આ કાચબો દુર્લભ પ્રજાતિનો છે. તે મુખ્યત્વે મધ્ય અને ઉત્તર અમેરિકામાં જ જોવા મળે છે. શરૂઆતમાં બધું સારું હતું પણ પાછળથી તેણે ખાવાનું પીવાનું છોડી દીધું હતું. ત્યારે ટેંગને એમ લાગ્યું કે કાચબાના પેટમાં કોઇ તકલીફ હશે. આ કારણે તેણે કાચબાને હાથમાં ઉઠાવી લીધો. એ સમયે ટેંગ સિગરોટ પી રહ્યા હતા.

ઇ ચાઇના સિટીઝ ડૉટ કોમના જણાવ્યા અનુસાર કાચબાએ ટેંગની આંગળીને બચકુ ભરવા માટે ઝપટ લગાવી પણ તેના મોઢામાં સિગારેટ આવી ગઇ. ટેંગે અનેક પ્રયત્નો કર્યા કે કાચબાના મોઢામાંથી સિગારેટ કાઢી શકે પણ કાચબાએ સિગરેટ ના કાઢી અને એક પછી એક કશ ખેંચવા લાગ્યો.

બીજા દિવસે ટેંગ ખુરશીમાં બેસીને સિગરેટ પી રહ્યા હતા, ત્યારે કાચબો તેમની પાસે આવીને અવાજ કરવા લાગ્યો. ટેંગને સમજતા વાર ના લાગી કે કાચબાને સિગારેટ પીવી છે. તેમણે સિગારેટ કાચબાના મોઢામાં આપી અને કાચબાએ ફરી કશ લગાવવાના શરૂ કર્યા.

ત્યારથી અત્યાર સુધી કાચબો રોજ સિગારેટ પીવે છે. હવે તો સિગરેટની સંખ્યા વધીને 10 સુધી પહોંચી ગઇ છે. જો કે કાચબાને જોઇને ટેંગને પસ્તાવો થાય છે કે તેમણે એક કાચબાને સિગારેટનો ચેઇન સ્મોકર બનાવી દીધો છે.

English summary
This smoker turtle drink 10 cigarette in a day
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X