• search
For Quick Alerts
ALLOW NOTIFICATIONS  
For Daily Alerts

અફઘાનિસ્તાનની કમાન સંભાળશે આ આતંકી, જાણો તાલિબાનનો ઈતિહાસ!

|
Google Oneindia Gujarati News

તાલિબાનનો સર્વેસર્વા અને અફઘાનિસ્તાનનો સંભવિત નવો રાષ્ટ્રપતિ, અફઘાન ભૂમિ પર અમેરિકાને હરાવનાર મુલ્લા બરાદર 20 વર્ષ બાદ અફઘાનિસ્તાન પરત ફર્યો છે. તાલિબાને અફઘાનિસ્તાનમાં જીતનો એક વીડિયો પોસ્ટ કર્યો છે, જેમાં બતાવવામાં આવ્યું છે કે તાલિબાનના સહ-સ્થાપક કાબુલ પહોંચી ગયો છે. વીડિયોમાં જોવા મળી રહ્યું છે કે તેનું કંદહારમાં એક હીરો જેમ ભવ્ય સ્વાગત કરવામાં આવ્યું છે. તાલિબાન આતંકીઓ તેના કાફલા સાથે ચાલી રહ્યા છે અને તેમનો ઉત્સાહ વધારી રહ્યા છે. માનવામાં આવે છે કે મુલ્લા બરાદરને અફઘાનિસ્તાનના આગામી રાષ્ટ્રપતિ બનાવવામાં આવશે.

મુલ્લા બરાદર કાબુલ પહોંચ્યો

મુલ્લા બરાદર કાબુલ પહોંચ્યો

તમને જણાવી દઈએ કે મુલ્લા બરાદરે સાળા મુલ્લા ઉમર સાથે મળીને 90 ના દાયકામાં તાલિબાનનો પાયો નાખ્યો અને પછી અમેરિકા અને પાકિસ્તાનની મદદથી બંનેએ તાલિબાન સામ્રાજ્યનો ખૂબ જ ઝડપથી વિસ્તાર કર્યો, 1996 માં તાલિબાન રાજની સ્થાપના થઈ. તાલિબાને રવિવારે કાબુલ પર કબ્જો કર્યો હતો અને તાલિબાનની રાજકીય કચેરીના વડા બરાદર અગાઉના યુએસ સમર્થિત શાસનના પતન બાદ હવે દેશના આગામી નેતા બનશે. 53 વર્ષીય મુલ્લા બરદાર અગાઉ તેમના સાળા મુલ્લા મોહમ્મદ ઓમર નીચે કામ કરતો હતો, પરંતુ અમેરિકાના હુમલામાં મુલ્લા ઉમરના માર્યા ગયા બાદ તાલિબાનની લગામ સંભાળી હતી.

મુલ્લા બરાદર પહેલા કંધાર પહોંચ્યો હતો

મુલ્લા બરાદર પહેલા કંધાર પહોંચ્યો હતો

મુલ્લા બરાદર લગભગ 20 વર્ષ પછી મંગળવારે કંધાર પહોંચ્યો હતો. તેમની સાથે કેટલાક અન્ય તાલિબાન નેતાઓ પણ હતા, જ્યાં તેનું ભવ્ય સ્વાગત કરવામાં આવ્યું. કંધારમાં ઉતર્યા બાદ મુલ્લા બરાદરના સમર્થનમાં બાઇક રેલી કાઢવામાં આવી હતી, જેનો વીડિયો તાલિબાન દ્વારા બહાર પાડવામાં આવ્યો હતો. તાલિબાને કહ્યું કે, આજે બપોરે મુલ્લા બરાદર અખુંદની આગેવાનીમાં અફઘાનિસ્તાનના ઇસ્લામિક અમીરાતનું ઉચ્ચ સ્તરીય પ્રતિનિધિમંડળ કતરથી બપોરે દેશમાં પહોંચ્યું અને કંધાર એરપોર્ટ પર ઉતર્યું. અફઘાનિસ્તાન બાબતોના નિષ્ણાતોના જણાવ્યા અનુસાર, જે રીતે આયાતુલ્લા ખોમેની લગભગ 14 વર્ષ પેરિસમાં રહ્યા બાદ ઈરાન પરત ફર્યો, તેવી જ રીતે મુલ્લા બરાદર લગભગ 20 વર્ષ પછી અફઘાનિસ્તાન પરત ફર્યો છે.

અફઘાનિસ્તાનમાં બરાદર રાજ

અફઘાનિસ્તાનમાં બરાદર રાજ

મુલ્લા બરાદરનો જન્મ 1968 માં અફઘાનિસ્તાનના ઉરુઝગાન પ્રાંતમાં થયો હતો અને તેનો ઉછેર કંધારમાં થયો હતો, જ્યાં તેણે 1980 અને 1990 ના દાયકામાં સોવિયેત યુનિયન સામે મુજાહિદ્દીન યુદ્ધની શરૂઆત કરી આખા અફઘાનિસ્તાનમાં, ગૃહ યુદ્ધની આગ લગાડી. બરાદરે બાદમાં તેના ભૂતપૂર્વ કમાન્ડર મોહમ્મદ ઉમર સાથે કંધારમાં એક ઇસ્લામિક શાળાની સ્થાપના કરી અને સાથે મળીને તાલિબાનની સ્થાપના કરી.

અફઘાનિસ્તાનમાં તાલિબાન રાજ

અફઘાનિસ્તાનમાં તાલિબાન રાજ

અફઘાનિસ્તાન પર કબજો કર્યા પછી મુલ્લા ઉમર અને મુલ્લા બરાદરે અફઘાનિસ્તાનમાં કટ્ટરપંથી ઇસ્લામિક અમીરાતની સ્થાપના કરી. તાલિબાને 1996 માં કાબુલ કૂચ કરતા પહેલા આ વખતની જેમ જ પ્રાંતીય રાજધાનીઓ કબ્જે કરી હતી. બરાદરે અફઘાનિસ્તાનમાં તેના શાસન દરમિયાન પાંચ વર્ષ સુધી વિવિધ ભૂમિકાઓમાં કામ કર્યુ. પરંતુ જ્યારે અમેરિકાએ 2001 માં અફઘાનિસ્તાન પર આક્રમણ કર્યું, ત્યારે તે અફઘાનિસ્તાનથી પાકિસ્તાન ભાગી ગયો, જ્યાં 2010 માં તેની ધરપકડ કરવામાં આવી.

પાકિસ્તાનમાં તેની ધરપકડ કેમ કરાઈ?

પાકિસ્તાનમાં તેની ધરપકડ કેમ કરાઈ?

2010 માં અમેરિકી ગુપ્તચર એજન્સી CIA એ તેને પાકિસ્તાની શહેર કરાચીમાં શોધી કાઢ્યો હતો અને તે જ વર્ષે ફેબ્રુઆરીમાં પાકિસ્તાની ગુપ્તચર સેવા ISI દ્વારા તેની ધરપકડ કરવામાં આવી હતી. નિષ્ણાતોએ કહ્યું હતું કે અમેરિકા મુલ્લા બરાદરને મારવા માંગે છે અને આઈએસઆઈને તેની જાણ થઈ હતી અને મુલ્લા બરાદરને બચાવવા માટે તેને પાકિસ્તાન સરકારે જેલમાં રાખ્યો હતો. પરંતુ 2018 માં જ્યારે ઈમરાન ખાને પાકિસ્તાનની સત્તા સંભાળી ત્યારે તેને અમેરિકાના ઈશારે મુક્ત કરવામાં આવ્યા અને પછી 9 મહિના બાદ એક દિવસ મુલ્લા બરાદર અચાનક અમેરિકાના તત્કાલીન વિદેશ મંત્રી માઈક પોમ્પિયો સાથે દેખાયો.

અમેરિકાએ બરાદરને નેતા તરીકે સ્વીકાર્યો

અમેરિકાએ બરાદરને નેતા તરીકે સ્વીકાર્યો

અમેરિકાએ મુલ્લા બરાદરને તાલિબાન શાંતિ રક્ષા દળના નેતા તરીકે સ્વીકાર્યા. ફેબ્રુઆરી 2020 માં મુલ્લા બરાદરે તત્કાલીન અમેરિકી ટ્રમ્પ વહીવટીતંત્ર સાથે મળીને કતારમાં દોહા કરાર પર હસ્તાક્ષર કર્યા અને અમેરિકાએ અફઘાનિસ્તાનમાંથી ખસી જવાની જાહેરાત કરી. તાલિબાને અમેરિકા સાથે કરારમાં કહ્યું હતું કે તે બંદૂકોના આધારે દેશમાં સત્તા મેળવશે નહીં, પરંતુ અફઘાનિસ્તાનમાં ગની સરકાર સાથે લોકશાહી સરકાર બનાવશે. પરંતુ અમેરિકા જોતું રહ્યું અને તાલિબાનોએ બંદૂકની અણીએ અફઘાનિસ્તાનને કબજે કર્યું.

અમેરિકાએ સ્વાગત કર્યુ

અમેરિકાએ સ્વાગત કર્યુ

અમેરિકાના તત્કાલીન ડોનાલ્ડ ટ્રમ્પ વહીવટીતંત્રે તાલિબાન સાથેના કરારને આવકાર્યો અને જાહેર કર્યું કે અફઘાનિસ્તાનમાં 40 વર્ષનું યુદ્ધ સમાપ્ત થઈ ગયું છે. હકીકતમાં નિષ્ણાતો માને છે કે અમેરિકાએ તાલિબાન સાથે તેની સુરક્ષા માટે સોદો કર્યો અને અફઘાનિસ્તાનને તાલિબાનને સોંપી દીધુ. દોહા સમજુતીને એક મહત્વપૂર્ણ શાંતિ ઘોષણા તરીકે રજૂ કરવામાં આવી હતી, પરંતુ તાલિબાનની ચાલાકી સિવાય કશું જ સાબિત થયું નથી. હજારો અમેરિકન સૈનિકો દેશ છોડીને જાય ત્યાં સુધી તાલિબાન જેહાદીઓએ રાહ જોઈ. અફઘાનિસ્તાનમાં અમેરિકી દળોમાં મોટા પ્રમાણમાં ઘટાડો થતા જ તાલિબાને બે મહિનાની અંદર સમગ્ર અફઘાનિસ્તાન પર કબજો કરી લીધો.

બરાદર આગામી રાષ્ટ્રપતિ બનશે?

બરાદર આગામી રાષ્ટ્રપતિ બનશે?

તાલિબાને દાવો કર્યો હતો કે તેણે વિદેશી દળોને અફઘાનિસ્તાનની ભૂમિમાંથી હાંકી કાઢયા છે અને અશરફ ગનીની અક્ષમ સરકારને દેશમાં શાસન કરવાનો કોઈ અધિકાર નથી. અશરફ ગનીએ હવે દેશ છોડી દીધો છે અને માનવામાં આવે છે કે અફઘાનિસ્તાનમાં મુલ્લા બરાદરને આગામી રાષ્ટ્રપતિ બનાવવામાં આવશે. મુલ્લા બરાદર અફઘાનિસ્તાન પહોંચ્યા બાદ તાલિબાને તેના નિવેદનમાં કહ્યું કે અમે નક્કી કરવા જઈ રહ્યા છીએ કે દેશમાં કેવા પ્રકારના કાયદા હશે. તમામ લોકોની ભાગીદારી સાથે સરકારની આ જવાબદારી રહેશે.

English summary
This terrorist leader will be the new President of Afghanistan, who will return to power after 20 years!
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X