કેમ ચીનમાં મુસ્લિમ ઘરોની બહાર લગાડવામાં આવી રહ્યા છે ક્યુઆર કોડ
હ્યુમન રાઇટ્સ વૉચમાં એક રિપોર્ટમાં કહેવામાં આવ્યું છે કે ચીન હવે ઝિંજિઆંગ પ્રાંતમાં રહેનારા મુસ્લિમ સમુદાયોના લોકોના ઘરની બહાર ક્યુઆર કોડ સિસ્ટમ લગાડવામાં આવી રહી છે.
હ્યુમન રાઇટ્સ વૉચમાં એક રિપોર્ટમાં કહેવામાં આવ્યું છે કે ચીન હવે ઝિંજિઆંગ પ્રાંતમાં રહેનારા મુસ્લિમ સમુદાયોના લોકોના ઘરની બહાર ક્યુઆર કોડ સિસ્ટમ લગાડવામાં આવી રહી છે. ચીનમાં ઉઇગર મુસ્લિમો પર નજર રાખવા માટે ત્યાંના સરકારી અધિકારીઓ બાયોમેટ્રિક અને સર્વિલેન્સ ટેકનોલોજીનો ઉપયોગ કરી રહ્યા છે. હવે સિસ્ટમ દ્વારા ચિની અધિકારીઓ ઉઇગર મુસ્લિમોની તમામ પ્રવૃત્તિઓ પર નજર રાખશે.
આ પણ વાંચો: રશિયાએ શરૂ કર્યો સૌથી મોટો લશ્કરી અભ્યાસ, પેન્ટાગોન અને નાટો રાખશે નજર
દરેક પ્રવૃત્તિ પર રહેશે નજર
જો કે, અધિકારીઓ દાવો કરે છે કે ઉઇગર સિવાયના અન્ય વિસ્તારોના ઘરો પર પણ ક્યુઆર કોડ લગાડવામાં આવી રહ્યા છે. તેમના જણાવ્યા મુજબ, આનાથી તે વસ્તી નિયંત્રણ સાથે સાથે તેમના દૈનિક જીવન પર દેખરેખ રાખવામાં આવશે. શિજિઆંગમાં મોટી સંખ્યામાં તુર્કી ભાષા બોલતા ઉઇગર મુસ્લિમ રહે છે. હ્યુમન રાઇટ્સ વૉચ મુજબ, અધિકારી નિવાસીઓની દેખરેખ જાળવવા માટે ઘરોમાં પ્રવેશ કરતાં પહેલાં મોબાઈલ ઉપકરણો સાથે 'સ્માર્ટ' બારણાં પ્લેટોને સ્કેન કરે છે.
કેડર આવીને ક્યુઆર કોડ સ્કેન કરે છે
સ્થાનિક નિવાસી નુરમુહેમેટ (બદલેલું નામ) એ જણાવ્યું હતું કે, 2017 થી શરૂ થતા પ્રત્યેક ઘર, જ્યાં કોઈ પ્રવેશ કરે છે ત્યાં ક્યુઆર કોડ હોય છે. પછી દર એક અથવા બે દિવસ પછી કેડર આવે છે અને ક્યુઆર કોડ સ્કેન કરે છે, તેથી તેઓ જાણે છે કે અહીં કેટલા લોકો રહે છે. નુરમુહેમેટ કહે છે કે કેડર એ પણ જોવે છે કે જો આ વિસ્તારમાં કોઈ નવી વ્યક્તિ દેખાય છે, તો તેને પૂછવામાં આવે છે કે તે અહીં શું કરી રહ્યું છે?
પ્રિડિક્ટિવ પોલીસ પ્રોગ્રામનો પણ ઉપયોગ
રિપોર્ટમાં જણાવ્યા અનુસાર, ક્યુઆર કોડ ઉપરાંત, ઝિંજિઆંગમાં મોટા ડેટા અને મશીન લર્નિગ વિશ્લેષણના આધાર પર પ્રિડિક્ટિવ પોલીસ પ્રોગ્રામનો પણ ઉપયોગ કરી રહ્યા છે. આ "ઇન્ટીગ્રેટેડ જોઇન્ટ ઓપરેશન્સ પ્લેટફોર્મ" (એજેઓપી) તરીકે ઓળખવામાં આવે છે, આ ટૂલ લોકો વિશે માહિતી એકત્રિત કરે છે. લોકો તેના વિશે જાણતા પણ નથી અને તેમની માહિતી સરકાર સુધી પહોંચે છે. તેનાથી જાણી શકાય છે કે કોણ સરકારી નિયમોનું પાલન કરતુ નથી અને કોણે કમ્યુનિસ્ટ સરકાર પર વિશ્વાસ નથી.