• search
For Quick Alerts
ALLOW NOTIFICATIONS  
For Daily Alerts

4 મહિનામાં હુમલાના 8 બનાવ, ફ્લોરિડામાં વલસાડના યુવકની હત્યા

|
Google Oneindia Gujarati News

ફ્લોરિડા, 21 મે: ગુજરાતીઓને આંચકો આપે તેવી વધુ એક ચોંકાવનારી ઘટના યુએસએના ફ્લોરિડામાં બનવા પામી છે. મૂળ ગુજરાતના વલસાડ જિલ્લાના હરિયા ગામના વતની માલવ દેસાઇની ફ્લોરિડામાં અજ્ઞાત યુવકોએ ગોળી મારીને હત્યા કરી દીધી છે. માલવ થોડા જ મહિનાઓ પહેલા ફ્લોરિડા શિફ્ટ થયો હતો, તે અહીં જનરલ સ્ટોરની દુકાન કરવાનું સપનું લઇને ભારતથી આવ્યો હતો. પણ કોને ખબર હતી કે વિધિએ તેનું મોત અહીં લખ્યું હશે.

સૂત્રો દ્વારા મળતી માહિતી અનુસાર માલવ પોતાના મિત્રના સ્ટોર પર ઊભો હતો તે સમયે બે નિગ્રો ટિનેજર્સ નશામાં ધૂત હાલમાં આવ્યા અને સ્ટોર લૂંટવાની કોશીશ કરવા લાગ્યા, તે સમયે બચાવની ભૂમિકા નિભાવવા જતા માલવને ગોળી વાગી ગઇ અને તેનું મોત થઇ ગયું. નોંધનીય છે કે પોલીસે બંને યુવકોની ધરપકડ કરી લીધી છે અને તેમની પૂછપરછ શરૂ કરી દીધી છે.

માલવ હોટેલ મેનેજમેન્ટનો કોર્ષ કરીને આ ક્ષેત્રમાં પોતાની કારકિર્દી બનાવવા માટે ફ્લોરિડામાં સ્થાઇ થયો હતો. તેની સાથે તેની વાગદત્તા પણ ફ્લોરિડાના સેંટ ઑગિસ્ટીનમાં સ્થાઇ થઇ હતી. માલવનું ઘટના સ્થળે જ મૃત્યું થયું હતું.

પ્રત્યક્ષદર્શીઓનું કહેવું છે કે હુમલો કરનાર બંને ટીનેજરોએ પોતાના ચહેરા પર રૂમાલ બાંધ્યો હતો જેનાથી તેમને ઓળખવા મુશ્કેલ છે.

છેલ્લા 4 મહિનામાં અમેરિકામાં ગુજરાતીઓ પર હુમલાની આ 8મી મોટી ઘટના છે. આ પહેલા પણ 39 વર્ષના સંજય પટેલની અજાણ્યા શખ્શોએ ગોળી મારી હત્યા કરી હતી.

English summary
An Indian businessman from Gujarat was shot dead by two 16-year old assailants in USA's Florida. Malav Deshi, a youngster had moved to Florida just a few months back with big dreams for his tobacco and beverages shop.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X