ભારતીય મૂળની અમેરિકી કિશોરીનો કમાલ, કોરોનાની સંભવિત દવા માટે 25000 ડૉલર જીત્યા

નવી દિલ્હીઃ ભારતીય મૂળની અમેરિકી કિશોરીએ એક અનોખી ખોજ માટે 25000 અમેરિકી ડૉલરનો પુરસ્કાર જીત્યો છે, આ ખોજ કોવિડ 19નો સંભવિત ઉપચાર પ્રદાન કરી શકે છે. 14 વર્ષની અનિકા ચેબરોલૂએ પ્રાઈજ '3એમ યંગ સાઈન્ટિસ્ટ ચેલેન્જ'માં જીત્યો છે. જણાવી દઈએ કે 3એમ યંગ સાઈન્ટિસ્ટ ચેલેન્જ યૂએઈની એક પ્રમુખ માધ્યમિક વિદ્યાલય વિજ્ઞાન પ્રતિયોગિતા છે, જેને દરેક વર્ષે અમેરિકાની વિનિર્માણ કંપની આયોજિત કરે છે.

પોતાની આ સફળતા પર ખુશ થતા ટેક્સેસમાં ભણી રહેલી અનિકાએ કહ્યું કે તે વર્ષ 2019માં ઈન્ફ્લૂએન્જા સંક્રમણથી પીડાઈ રહી હતી આ દરમ્યાન તેમણે ફેસલો કર્યો હતો કે તે 3એમ યંગ સાયન્ટિસ્ટ ચેલેન્જમાં ભાગ લેશે કેમ કે તે ઈન્ફ્લૂએન્જાનો ઈલાજ શોધવા માંગતી હતી, તેમને લાગે છે કે તેના જેવા કેટલાય લોકો આ ઘાતક સંક્રમણથી પીડાઈ રહ્યા હશે માટે આ દિશામાં કામ કરવું બહુ જરૂરી છે.

કોરોના વાયરસે ઘણું બધું બદલી નાખ્યું

આખા વિશ્વમાં થયેલ કોરોના અટેકના કારણે બધી જ પરિસ્થિતિઓ બદલાઈ ગઈ અને તે બાદ તેનું બધું ફોકસ સાર્સ-સીઓવી-2 સંક્રમણ પર આવી ગયું, હાલ તો પોતાની આ સફળતાનો શ્રેય પોતાની મહેનત અને પોતાના ઘરવાળાઓને આપે છે, જેમણે કહ્યું કે હું અમેરિકી શીર્ષ યુવા વૈજ્ઞાનિકની સૂચમાં સામેલ થઈને ખુશ છું.

અનિકાએ ઈન-સિલિકો પદ્ધતિનો ઉપયોગ કર્યો

જણાવી દઈએ કે અનિકા ચેબરોલૂએ એક અણુ (Molecule) વિકસિત કર્યો છે જે કોરોનાવાયરસના એક નિશ્ચિત પ્રોટીનને બાંધી શકે છે અને તેને અટેક કરવાથી રોકી શકે છે, અનિકાએ કહ્યું કે આ ઘાતક વાયરસની સંભાવિત દવા ખોજવા માટે કેટલાય કોમ્પ્યૂટર પ્રોગ્રામોનો ઉપયોગ કર્યો અને ઈન-સિલિકો પદ્ધતિનો ઉપયોગ કર્યો છે. અનિકાએ કહ્યું કે તેના દાદાજી ખુદ રસાયણ વિજ્ઞાનના પ્રોફેસર હતા, અને તેમણે તેને ભણવા માટે પ્રેરિત કર્યા, તે તેમની જ જેમ પ્રોફેસર બનવા માંગે છે અને વિજ્ઞાનના ક્ષેત્રમાં ઘણું બધું કરવા માંગે છે.

English summary

NRI teen anika chebrolu won 25000 dollar prize for discovery of covid 19 probable treatment