યુએસ કોર્ટે સુનાવણીની તારીખ આગળ ધપાવવા દેવયાનીની અરજી ફગાવી
ન્યૂયોર્ક, 9 જાન્યુઆરી: અમેરિકન કોર્ટે શરૂઆતી સુનાવણી માટે તારીખ આગળ ધપાવવા દેવયાની ખોબરાખડેની અરજીને ફગાવી દીધી છે. દેવયાનીના મામલામાં 13 જાન્યુઆરીના રોજ તહોમતનામું દાખલ કરવામાં આવશે. સદર્ન ડિસ્ટ્રિક્ટ ઓફ ન્યૂયોર્કની મેજિસ્ટ્રેટ સારા નેટબર્ને જણાવ્યું કે તારીખ આગળ વધારવાથી ખોબરાગડે વિઝા છેતરપિંડી મામલાના ઉકેલ માટે પોતાના અને સરકાર વચ્ચેની વાર્તાને લઇને જે રાહત જોઇએ, તે નહીં મળે.
જજે પોતાના આદેશમાં જણાવ્યું કે આરોપીની ધરપકડ અથવા આ પ્રકારના આરોપોના સિલસિલામાં સમન મળવાની તારીખથી 30 દિવસોની અંદર આરોપીની વિરુધ્ધ ગુનાને અંજામ આપવા માટે તહોમતનામું અથવા માહિતી દાખલ થઇ જવી જોઇએ. પ્રારંભિક સુનાવણીની તારીખ સ્થગિત કરવાનો તહોમતનામા પર કોઇ અસર પડશે નહીં.
તેમણે પોતાના આદેશમાં જણાવ્યું કે યોગ્ય કારણ નહીં બતાવવાના કારણે આરોપીની અરજીને નામંજૂર કરવામાં આવે છે. નેટવર્કે જણાવ્યું કે ખોબરાગડેની 12 ડિસેમ્બર, 2013ના રોજ ધરપકડ કરવામાં આવી હતી, તેની પર જાન્યુઆરી 2014 સુધી તહોમતનામું દાખલ થઇ જવું જોઇએ.