• search
For Quick Alerts
ALLOW NOTIFICATIONS  
For Daily Alerts

કોહલીને આઉટ આપનાર અમ્પાયર પર ભડક્યા ફેન, સ્ટેડિયમમાં જ આપી દીધી...

|
Google Oneindia Gujarati News

નવી દિલ્હી : ભારત અને ન્યુઝીલેન્ડ વચ્ચે રમાઈ રહેલી ટેસ્ટ સિરીઝની બીજી મેચ મુંબઈના વાનખેડે સ્ટેડિયમમાં રમાઈ રહી છે, જ્યાં વરસાદના કારણે વિક્ષેપ પડ્યો હતો. મેચ મોડી શરૂ થઈ હતી. ટોસ જીતીને બેટિંગ કરવાનું પસંદ કરતી ભારતીય ટીમે શુભમન ગિલ અને મયંક અગ્રવાલના આધારે સારી શરૂઆત કરી હતી અને 80 રનની ભાગીદારી નોંધાવી હતી.

જે બાદ એજાઝ પટેલે 2 ઓવરમાં 3 વિકેટ લઈને ભારતને બેક ફૂટ પર લાવી દીધું હતું. જ્યારે એજાઝ પટેલે શુભમન ગિલ (44) અને ચેતેશ્વર પૂજારા (0)ને શ્રેષ્ઠ બોલ પર પેવેલિયન ભેગા કર્યા, ત્યારે ભારતીય કેપ્ટન વિરાટ કોહલી (0)ની વિકેટે વિવાદ સર્જ્યો હતો. આ મેચમાં વાપસી કરી રહેલા વિરાટ કોહલીને મેદાન પરના અમ્પાયરના કોલ અને થર્ડ અમ્પાયર પાસે નિર્ણાયક પુરાવા ન હોવાને કારણે પેવેલિયન પરત ફરવું પડ્યું હતું.

જે બાદ ફરી એકવાર ખરાબ અમ્પાયરિંગના મુદ્દાએ વિવાદ ઉભો કર્યો છે. નોંધનીય છે કે, જ્યારે વિરાટ કોહલી આઉટ થયો હતો, તે સમયે મેદાન પરના અમ્પાયર અનિલ ચૌધરી નિર્ણય આપી રહ્યા હતા. ઇનિંગ્સની 30મી ઓવરના છેલ્લા બોલ પર એજાઝ પટેલે વિરાટ કોહલીને LBW માટે અપીલ કરી હતી, જે બાદ અમ્પાયર અનિલ ચૌધરીએ તેને આઉટ જાહેર કર્યો હતો. કેપ્ટન કોહલીએ નિર્ણયની સમીક્ષા કરવાની અપીલ કરી, જે બાદ નિર્ણય થર્ડ અમ્પાયર પાસે પહોંચ્યો હતો.

રિપ્લે દર્શાવે છે કે, બોલ પેડ સાથે અથડાતા પહેલા બેટ સાથે અથડાતો હતો, પરંતુ ત્રીજા અમ્પાયરે કહ્યું કે, તે બેટ અને પેડને એકસાથે અથડાતો હોય તેવું લાગે છે. આવી સ્થિતિમાં તેમની પાસે કોઈ નિર્ણાયક પૂરાવા નથી, જેના કારણે તે અનિલ ચૌધરીના નિર્ણયને બદલી શકે નહીં.

નોંધનીય છે કે, જો કોઈ નિર્ણય થર્ડ અમ્પાયર પાસે જાય છે, તો તે પહેલાં મેદાન પરના અમ્પાયરનો પ્રથમ કોલ લેવામાં આવે છે, જેને બદલવા માટે નિર્ણાયક પૂરાવાની જરૂર હોય છે. જો ત્રીજા અમ્પાયરને તે પૂરાવા ન મળે તો તે નિર્ણય બદલી શકાય નહીં.

વિરાટ કોહલીના કિસ્સામાં આવું બન્યું અને થર્ડ અમ્પાયર વિજેન્દર શર્માએ અમ્પાયર અનિલ ચૌધરીના નિર્ણયને સમર્થન આપવું પડ્યું હતું. વિરાટ કોહલીને આ નિર્ણય બિલકુલ પસંદ ન આવ્યો અને તે મેદાન છોડતી વખતે બાઉન્ડ્રી દોરડાને લાત મારતો જોવા મળ્યો હતો. ઉલ્લેખનીય છે કે, અમ્પાયર અનિલ ચૌધરીના આ નિર્ણયને માત્ર કોહલી જ નહીં, પરંતુ સ્ટેડિયમમાં હાજર પ્રશંસકોને પણ પસંદ આવ્યો ન હતો.

જ્યારે અમ્પાયરો ચાના સમય બાદ મેદાનમાં પરત ફરી રહ્યા હતા, ત્યારે મેદાન પર હાજર દર્શકો તેમને બૂમાબૂમ કરતા અને વિવિધ નારા લગાવતા જોવા મળ્યા હતા. અમ્પાયરિંગને લઈને પ્રશંસકોનો ગુસ્સો માત્ર સ્ટેડિયમમાં જ નહીં, પરંતુ સોશિયલ મીડિયા પર પણ જોવા મળ્યો હતો, જેમાં લોકો નબળા અમ્પાયરિંગની ટીકા કરતા જોવા મળે છે.

હાલમાં, ભારતીય ટીમ મયંક અગ્રવાલની ઇનિંગ્સ દ્વારા સંભાળી રહી છે, જેણે તેની ટેસ્ટ કારકિર્દીની ચોથી સદી પૂરી કરી છે અને ભારતીય દાવને 200ની લીડ પર લઈ ગયો છે.

ક્રિકેટ પ્રેમ? સાબિત કરો. માયખેલ ક્રિકેટ ફેન્ટસી ક્રિકેટ રમો

English summary
Fans furious at umpire Anil Chaudhary, who gave Kohli out, raised derogatory slogans in the stadium.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X