IND vs ENG: ઇંગ્લેન્ડ 178 રને થયુ ઓલ આઉટ, ભારતને મળ્યું 420 રનનું લક્ષ્ય

ભારત અને ઇંગ્લેન્ડ વચ્ચે ચાર મેચની ટેસ્ટ સિરીઝની પહેલી મેચ એમ.એ. ચિદમ્બરમ સ્ટેડિયમ ખાતે રમાઇ રહી છે. ઇંગ્લેન્ડની બીજી ઇનિંગ્સ માત્ર 178 રનમાં સમેટાઇ ગઇ હતી. આ સાથે ઈંગ્લેન્ડે પ્રથમ ઇનિંગ્સમાં 241 રનની લીડ સાથે ભારત સામે 420 રનનો લક્ષ્યાંક આપ્યો છે.

ઇંગ્લેન્ડના કેપ્ટન જો રૂટે સૌથી વધુ 40 રન બનાવ્યા. તેમના સિવાય ઓલી પોપ (28), જોસ બટલર (24) અને ડોમિનિક બેસ (25) એ પણ ફાળો આપ્યો. તેથી ઇંગ્લેન્ડ 178 રન બનાવી શકી હતી. ભારત માટે આર.અશ્વિન 17.3 ઓવરમાં 61 રન આપીને છ વિકેટ ઝડપીને ઇનિંગ્સનો શ્રેષ્ઠ બોલર બન્યો હતો. તેમના સિવાય શાહબાઝ નદીમે 2 વિકેટ લીધી હતી, જ્યારે જસપ્રીત બુમરાહ અને ઇશાંત શર્માએ 1-1 વિકેટ લીધી હતી.

આ પહેલા ભારતની પ્રથમ ઇનિંગ્સ રમતના ચોથા દિવસે 95.5 ઓવરમાં 337 રન પર સમાપ્ત થઈ હતી. પ્રથમ દાવના આધારે ઇંગ્લેન્ડને 241 રનની મજબૂત લીડ મળી હતી. ભારત તરફથી વોશિંગ્ટન સુંદરે સાતમા નંબર પર બેટિંગ કરી હતી અને અણનમ 85 રન બનાવ્યા હતા. તેણે મેચમાં 12 ચોગ્ગા અને બે છગ્ગા ફટકાર્યા હતા. તેમના સિવાય ઋષભ પંત (91) અને ચેતેશ્વર પૂજારા (73) એ પણ અડધી સદી ફટકારી હતી. આર અશ્વિને 30 રન બનાવ્યા. પરિણામે ભારત પ્રથમ ઇનિંગમાં 337 રનમાં ઓલઆઉટ થઈ ગયું હતું. ઇંગ્લેંડ તરફથી ડોમિનિક બેસે સૌથી વધુ વિકેટ લીધી હતી. જેક લીચ, જોફ્રા આર્ચર અને જેમ્સ એન્ડરસને વિકેટ લીધી હતી.

અશ્વિનને આઉટ કર્યાના થોડા સમય બાદ શાહબાઝ નદીમ પણ આઉટ થયો હતો. તે શૂન્ય પર જેક લીચ દ્વારા આઉટ કરાયો હતો. તે પછી, જેમ્સ એન્ડરસને ઈશાંત શર્માને 94 મી ઓવરમાં 4 રન આપીને બોલ્ડ કરી ભારતની નવમી વિકેટ મેળવી હતી. છેવટે 96મી ઓવરમાં એન્ડરસને જસપ્રીત બુમરાહને શૂન્ય રને આઉટ કરીને ભારતનો દાવ 337 રનમાં સમેટી દીધા હતા.