• search
For Quick Alerts
ALLOW NOTIFICATIONS  
For Daily Alerts

IPLની પહેલી સિઝનમાં રહેલા 8 ટીમના કેપ્ટન હાલ ક્યાં છે?

|

આઈપીએલના કારણે જ ભારતમાં ટી20 ફોર્મેટને લોકપ્રિય કરવમાં મહ્તવનું યોગદાન છે. આ સાથે જ આ લીગને કારણે ઘણા યુવા ખેલાડીઓને પોતાના દેશ માટે રમવાની તક મળી છે. જે ખેલાડીઓને કોઈ ઓળખતનું નહોતું, તેમને ઓળખ મળી છે. આઈપીએલ બાદ ઘણા દેશોએ આ પ્રકારની લીગ શરૂ કરી છે. પરંતુ આઈપીએલની લોકપ્રિયતા જબરજસ્ત છે. આઈપીએલની પહેલી સિઝન છેક 2008માં રમાઈ હતી. જેમાં 8 ટીમો હતી. પહેલી સિઝનમાં રાજસ્થાન રોયલ્સ ચેમ્પિયન બની હતી. તે સમયે આ ટીમને શેન વોર્ને લીડ કરી હતી. ત્યારથી અત્યાર સુધી આઈપીએલમાં 12 સિઝન રમાઈ ચૂકી છે.

આપીએલની પહેલી સિઝનને લોકપ્રિય બનાવવામાં આ આઠ ટીમના કેપ્ટનની ભૂમિકા મહત્વની છે. પરંતુ લોકો આજે તેમને ભૂલી ચૂક્યા છે. ચાલો જોઈએ પહેલી સિઝનના 8 કેપ્ટનો હાલ ક્યાં છે ?

શેન વોર્ન (કેપ્ટન, રાજસ્થાન રોયલ્સ)

શેન વોર્ન (કેપ્ટન, રાજસ્થાન રોયલ્સ)

ઓસ્ટ્રેલિયાના દિગ્ગજ સ્પિનર રહી ચૂકેલા શેન વોર્ને રાજસ્થાન રોયલ્સે 2008માં ટીમના કેપ્ટન બનાવાયા હતા. શેન વોર્નની કેપ્ટન્સીમાં રાજસ્થાન રોયલ્સ ચેમ્પિયન બન્યું હતું. વોર્ન આઈપીએલની 4 સિઝન રમી ચૂક્યા છે. વોર્ને આઈપીએલની 55 મેચ રમીને 25.38ની સરેરાશથી 57 વિકેટ ઝડપી છે. હાલ વોર્ન આઈપીએલમાં રાજસ્થાન રોયલ્સના હેડ કોચ છે.

વીવીએસ લક્ષ્મણ (કેપ્ટન, ડેક્કન ચાર્જર્સ)

વીવીએસ લક્ષ્મણ (કેપ્ટન, ડેક્કન ચાર્જર્સ)

ડેક્કન ચાર્જર્સ (સનરાઈઝર્સ હૈદરાબાદ) આઈપીએલની પેહલી સિઝનમાં વીવીએસ લક્ષ્મણની કેપ્ટનસીમાં રમી હતી. જો કે આઈપીએલમાં લક્ષ્મણની કેપ્ટન્સી અને ખેલાડી બંને રીતે ખરાબ રહ્યું હતું. લક્ષ્મણની કેપ્ટન્સીમાં ડેક્કન ચાર્જર્સ પહેલી સિઝનમાં માત્ર 2 જ મેચ જીતી શકી હતી અને પોઈન્ટ ટેબલમાં છેલ્લા સ્થાને રહી હતી. હાલ લક્ષ્મણ આ જ ટીમના મેન્ટરની ભૂમિકામાં છે. સાથે જ તે આંતરરાષ્ટ્રીય મેચમાં કમેન્ટ્રી કરે છે.

યુવરાજસિંહ (કેપ્ટન, કિંગ્સ 11 પંજાબ)

યુવરાજસિંહ (કેપ્ટન, કિંગ્સ 11 પંજાબ)

આઈપીએલની પહેલી સિઝન સમયે યુવરાજસિંહ 26 વર્ષના હતા, અને તેમને ટીમના કેપ્ટન બનાવાયા હતા. આ સિઝનમાં યુવરાજસિંહ સૌથી યુવા કેપ્ટન હતા. તેમની કેપ્ટન્સીમાં સેમી ફાઈનલ સુધી પહોંચી હતી. પરંતુ સેમિફાઈનલ મેચમાં ચેન્નાઈ સામે હારનો સામનો કરવો પડ્યો હતો. યુવરાજસિંહ આંતરરાષ્ટ્રીય ક્રિકેટમાંથી સંન્યાસ લઈ ચૂક્યા છે.

મહેન્દ્રસિંહ ધોની (કેપ્ટન, ચેન્નાઈ સુપરકિંગ્સ)

મહેન્દ્રસિંહ ધોની (કેપ્ટન, ચેન્નાઈ સુપરકિંગ્સ)

2008થી લઈને 2020 સુધી ધોની ચેન્નાઈ સુપરકિંગ્સના કેપ્ટન છે. આઈપીએલ 20028માં ચેન્નાઈએ ધોનીને 9.5 કરોડમાં ખીદ્યા હતા. ધોની પહેલી સિઝનના સૌથી મોંઘા ખેલાડી હતા. ધોનીની કેપ્ટન્સીમાં ટીમ ફાઈનલ સુધી પહોંચી હતી. પરંતુ ફાઈનલમાં રાજસ્થાન રોયલ્સને હરાવી નહોતા શક્યા. ધોની હાલ પણ ચેન્નાઈના કેપ્ટન છે.

વીરેન્દ્ર સેહવાગ (કેપ્ટન, દિલ્હી ડેરડેવિલ્સ)

વીરેન્દ્ર સેહવાગ (કેપ્ટન, દિલ્હી ડેરડેવિલ્સ)

ટીમ ઈન્ડિયાના પૂર્વ કેપ્ટન વિરેન્દ્ર સેહવાગને દિલ્હી ડેરડેવિલ્સે પહેલી સિઝનમાં કેપ્ટન બનાવ્યા હતા. સેહવાગની કેપ્ટન્સીમાં દિલ્હીએ 14માંથી 7 મેચ જીતી હતી અને ટીમ ટોપ 4માં પહોંચી હતી. આઈપીએલમાંથી સન્યાસ લીધા બાદ સેહવાગ કિંગ્સ 11 પંજાબના મેન્ટર હતા. જો કે તે હાલ આ પદ પર નથી.

રાહુલ દ્રવિડ (કેપ્ટન, રોયલ ચેલેન્જર્સ બેંગ્લોર)

રાહુલ દ્રવિડ (કેપ્ટન, રોયલ ચેલેન્જર્સ બેંગ્લોર)

રાહુલ દ્રવિડ પહેલી સિઝનમાં રોયલ ચેલેન્જર્સ બેંગ્લોરના કેપ્ટન હતા. પરંતુ ટીમ આખી સિઝનમાં કશું ખાસ પર્ફોમ નહોતી કરી શકી. પહેલી સિઝનમાં બેંગ્લોર માત્ર 4 જ મેચ જીતી શકી હતી, અને પોઈન્ટ ટેબલમાં સાતમા નંબરે હતી. પહેલી સિઝન બાદ બેંગ્લોરે કેપ્ટન બદલી નાખ્યા. હાલ દ્રવિડ BCCIની નેશનલ ક્રિકેટ એકેડમીમાં કાર્યરત છે.

સચિન તેન્ડુલકર (કેપ્ટન, મુંબઈ ઈન્ડિયન્સ)

સચિન તેન્ડુલકર (કેપ્ટન, મુંબઈ ઈન્ડિયન્સ)

મુંબઈ ઈન્ડિયન્સની ટીમ હાલ આઈપીએલમાં 4 ટાઈટલ જીતનારી એકમાત્ર ટીમ છે. પરંતુ આઈપીએલની પહેલી સિઝનનમાં મુંબઈનું પ્રદર્શન ખાસ નહોતુ. સચિનની કેપ્ટન્સીમાં ટીમ માત્ર 5 જીત સાથે પાચમા નંબરે રહી હતી. સચિન હાલ પણ મુંબઈ ઈન્ડિયન્સ સાથે જોડાયેલા છે અને મેન્ટરની ભૂમિકામાં કાર્યરત છે.

સૌરવ ગાંગુલી (કેપ્ટન, કોલકાતા નાઈટરાઈડર્સ)

સૌરવ ગાંગુલી (કેપ્ટન, કોલકાતા નાઈટરાઈડર્સ)

ટીમ ઈન્ડિયાના સૌથી સફળ કેપ્ટનોમાંના એક સૌરવ ગાંગુલી પહેલી સિઝનમાં કોલકાતા નાઈટરાઈડર્સના કેપ્ટન હતા. તેમની કેપ્ટન્સીમાં કોલકાતાની ટીમે 14માંથી 6 મેચ જીતી હતી અને પોઈન્ટ ટેબલમાં છઠ્ઠા નંબરે પહોંચી હતી. હાલ ગાંગુલી બીસીસીઆઈના અધ્યક્ષ છે.

ક્રિકેટ પ્રેમ? સાબિત કરો. માયખેલ ક્રિકેટ ફેન્ટસી ક્રિકેટ રમો

English summary
ipl 2020 know about first seasons captains and what are the doing
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X