T20 Ranking : ભારતીય ટીમને મોટો ફટકો, પાકિસ્તાન બીજા નંબર પર પહોંચી ગયું છે

ICC T20 વર્લ્ડ કપમાં પ્રથમ બે પરાજયનો સામનો કર્યા બાદ ભારતીય ટીમને ICC T20 રેન્કિંગમાં મોટો ઝટકો લાગ્યો છે. આવા સમયે પાકિસ્તાન ક્રિકેટ તેના શાનદાર તબક્કામાંથી પસાર થઈ રહ્યું છે.

T20 Ranking : ICC T20 વર્લ્ડ કપમાં પ્રથમ બે પરાજયનો સામનો કર્યા બાદ ભારતીય ટીમને ICC T20 રેન્કિંગમાં મોટો ઝટકો લાગ્યો છે. આવા સમયે પાકિસ્તાન ક્રિકેટ તેના શાનદાર તબક્કામાંથી પસાર થઈ રહ્યું છે. પાકિસ્તાને T20 વર્લ્ડ કપમાં શાનદાર પ્રદર્શન કર્યું છે.

પાકિસ્તાનની ટીમે ICC T20 રેન્કિંગમાં ભારતીય ટીમને પાછળ છોડી દીધી

પાકિસ્તાન સુપર 12 રાઉન્ડમાં સતત 3 મેચ જીતીને સેમિફાઈનલમાં પહોંચવા માટે દાવેદાર બની ગયું છે, જ્યારે પાકિસ્તાને ટૂર્નામેન્ટની પ્રથમ મેચમાં ભારતને હરાવીને બધાને ચોંકાવી દીધા હતા. હવે પાકિસ્તાનની ટીમે ICC T20 રેન્કિંગમાં ભારતીય ટીમને પાછળ છોડી દીધી છે.

ભારતીય ટીમ T20 રેન્કિંગમાં બીજા નંબર પર હતી

ICC T20 વર્લ્ડ કપની શરૂઆત પહેલા ભારતીય ટીમ T20 રેન્કિંગમાં બીજા નંબર પર હતી, પરંતુ સતત બે મેચ હાર્યા બાદ ટીમ ત્રીજા સ્થાને પહોંચી ગઈ છે.

ભારતને ન્યુઝીલેન્ડ સામે 8 વિકેટે હારનો સામનો કરવો પડ્યો

પાકિસ્તાની ટીમ 265 પોઈન્ટ સાથે બીજા સ્થાને છે. બીજી તરફ ઈંગ્લેન્ડ 279 પોઈન્ટ સાથે પ્રથમ સ્થાને છે અને ભારત 262 પોઈન્ટ સાથે ત્રીજા સ્થાને છે. ભારતને પ્રથમ મેચમાં જ પાકિસ્તાન સામે 10 વિકેટે મોટી હારનો સામનો કરવો પડ્યો હતો. જે બાદ ભારતને ન્યુઝીલેન્ડ સામે 8 વિકેટે હારનો સામનો કરવો પડ્યો હતો, જેના કારણે ટીમને રેન્કિંગમાં નીચે આવીને તેની કિંમત ચૂકવવી પડી હતી.

બાંગ્લાદેશ નવમા અને શ્રીલંકા દસમા ક્રમે

ICC T20 રેન્કિંગમાં ભારત, પાકિસ્તાન, ન્યૂઝીલેન્ડ અને દક્ષિણ આફ્રિકા છે. ન્યુઝીલેન્ડના 257 પોઈન્ટ છે. દક્ષિણ આફ્રિકાના 250 પોઈન્ટ છે. ઓસ્ટ્રેલિયા છઠ્ઠા, અફઘાનિસ્તાન સાતમા, વેસ્ટ ઈન્ડિઝ આઠમા, બાંગ્લાદેશ નવમા અને શ્રીલંકા દસમા ક્રમે છે.

ICC T20 રેન્કિંગ (ટોપ-15 ટીમ)
1) ઈંગ્લેન્ડ - 279 રેટિંગ
2) પાકિસ્તાન - 265 રેટિંગ
3) ભારત - 262 રેટિંગ
4) ન્યુઝીલેન્ડ - 257 રેટિંગ
5) દક્ષિણ આફ્રિકા - 250 રેટિંગ
6) ઓસ્ટ્રેલિયા - 243 રેટિંગ
7) અફઘાનિસ્તાન - 235 રેટિંગ
8) વેસ્ટ ઈન્ડિઝ - 234 રેટિંગ
9) બાંગ્લાદેશ - 234 રેટિંગ
10) શ્રીલંકા - 230 રેટિંગ
11) ઝિમ્બાબ્વે - 192 રેટિંગ
12) આયર્લેન્ડ-188 રેટિંગ
13) નેપાળ - 187 રેટિંગ
14) સ્કોટલેન્ડ - 187 રેટિંગ
15) નામિબિયા - 179 રેટિંગ

English summary

T20 Ranking: A big blow to the Indian team, Pakistan has reached the second position.