India
  • search
For Quick Alerts
ALLOW NOTIFICATIONS  
For Daily Alerts
Oneindia App Download

ધોનીના બેટ પર સ્ટીકર લગાવવાની કિંમત 8 કરોડ

|
Google Oneindia Gujarati News

નવી દિલ્હી, 7 ઓક્ટોબર : ભાગ્યના ધનવાન ગણવામાં આવતા ભારતીય ક્રિકેટ ટીમના કેપ્ટન કૂલ એમ એસ ધોનીનના બેટ પર કોઇ પણ કંપનીએ પોતાનું સ્ટીકર લગાવવું હોય તો તેની કિંમત કેટલી છે તે આપ જાણો છો? આપને જણાવી દઇએ કે આ કિંમત 8 કરોડ રૂપિયા છે. આટલી અધધધ કિંમત હોવા છતાં ધોનીના બેટ પર પોતાની કંપનીનું સ્ટીકર લગાવવા માટે કંપનીઓ વચ્ચે હોડ જામી છે.

દેશના અગ્રણી અખબાર ટીઓઆઇના અહેવાલ અનુસાર કેપ્ટનના બેટ માટેની સ્પોન્સરશિપ માટેની રકમ અંગે કંપનીઓ વચ્ચે ભારે રસાકસી છે. બીજી તરફ ધોની પણ પોતે નિર્ધારિત કરેલી રકમથી ઓછી રકમ લેવા માટે ટસના મસ થઇ રહ્યા નથી. સ્પોન્સરશિપ ઉપરાંત જો કંપનીઓ કોઇ પણ પ્રકારના મર્ચન્ડાઇઝની ડીલ કરવા માંગે છે તો આ માટે તેમણે અલગ રકમની ચૂકવણી કરવી પડશે.

આપને જાણીને નવાઇ લાગશે કે વર્તમાન સમયમાં ધોની 23 બ્રાન્ડના બ્રાન્ડ એમ્બેસેડર છે. તેઓ આ દરમિયાન અન્ય કંપનીઓનો પણ પ્રચાર કરે છે. ધોનીની બ્રાન્ડ વેલ્યુને જોતા કંપનીઓ મોં માંગી રકમ આપીને તેમની સાથે કરાર કરે છે. જેમાં પ્રોડક્ટના વેચાણ પર તેમને રોયલ્ટી પણ ચૂકવવામાં આવે છે. કહેવાય છે કે આ પ્રકારના કરાર ઐતિહાસિક છે.

નોંધનીય છે કે ચેમ્પિયન્સ લીગ દરમિયાન ધોનીના બેટ પર કોઇ સ્ટીકર ન હતું. 10 ઓક્ટોબરથી ભારત અને ઓસ્ટ્રેલિયા વચ્ચે એક વન ડે સીરીઝ રમાનારી છે. તે પહેલા આ કરાર થઇ જશે.

English summary
Dhoni to get 8 crore for his bat's sponsorship
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X