એશિયા કપ માટે ભારતીય ટીમની જાહેરાત, આ ખેલાડીના પત્તા કપાયા!

CI પસંદગીકારોએ એશિયા કપ 2022 માટે ટીમની જાહેરાત કરી છે. ટીમના મુખ્ય ફાસ્ટ બોલર જસપ્રીત બુમરાહને 27 ઓગસ્ટથી શરૂ થનારી આ T20 ફોર્મેટ ટૂર્નામેન્ટ માટે ટીમમાંથી બહાર કરી દેવામાં આવ્યો છે.

નવી દિલ્હી : BCCI પસંદગીકારોએ એશિયા કપ 2022 માટે ટીમની જાહેરાત કરી છે. ટીમના મુખ્ય ફાસ્ટ બોલર જસપ્રીત બુમરાહને 27 ઓગસ્ટથી શરૂ થનારી આ T20 ફોર્મેટ ટૂર્નામેન્ટ માટે ટીમમાંથી બહાર કરી દેવામાં આવ્યો છે. કહેવામાં આવી રહ્યું છે કે પીઠની ઈજાને કારણે બુમરાહ એશિયા કપ નહીં રમે. જો કે તે T20 વર્લ્ડ કપ પહેલા ફિટ થઈ જશે અને વર્લ્ડ કપ ટીમનો પણ ભાગ હશે. એશિયા કપમાં બુમરાહને ટીમમાંથી બહાર રાખવો એક મોટો આંચકો છે.

કેએલ રાહુલ અને વિરાટ કોહલીની વાપસી

આ સિવાય એશિયા કપ 2022માં ટીમની કપ્તાની રોહિત શર્માના હાથમાં રહેશે. કેએલ રાહુલ રોહિત શર્મા સાથે ઓપનિંગ પાર્ટનર હશે. આ સાથે જ વિરાટ કોહલી ત્રીજા નંબર પર ટીમમાં પરત ફર્યો છે. તમને જણાવી દઈએ કે વિરાટ કોહલીને વેસ્ટ ઈન્ડિઝ સામેની ODI અને T20 સીરીઝમાં આરામ આપવામાં આવ્યો હતો. આ પછી વિરાટને 18 ઓગસ્ટથી શરૂ થઈ રહેલા ઝિમ્બાબ્વે પ્રવાસમાં પણ આરામ આપવામાં આવ્યો છે.

અર્શદીપ અને રવિ બિશ્નોઈનો સમાવેશ

આ સિવાય પસંદગીકારોએ અર્શદીપ સિંહ અને રવિ બિશ્નોઈને વેસ્ટ ઈન્ડિઝ વિરુદ્ધ સારા પ્રદર્શન માટે પુરસ્કાર આપ્યો છે. આ બંને ખેલાડીઓ એશિયા કપ માટે UAE જશે. આ સિવાય સૂર્યકુમાર યાદવ, દીપક હુડા અને અવેશ ખાનને પણ ટીમમાં રાખવામાં આવ્યા છે. જસપ્રિત બુમરાહ સિવાય, ઝડપી બોલર હર્ષલ પટેલ પણ ટીમનો ભાગ નથી. એશિયા કપમાં ભારતીય ટીમ ત્રણ અગ્રણી ઝડપી બોલરો સાથે જશે. ચોથા બોલરની ભૂમિકા હાર્દિક પંડ્યા ભજવશે.

શ્રેયસ અય્યર સ્ટેન્ડબાય ખેલાડીઓની યાદીમાં

તમને જણાવી દઈએ કે પસંદગીકારોએ આ ખેલાડીને ટીમમાં સામેલ ન કરીને ચોંકાવી દીધા છે, તે નામ છે શ્રેયસ અય્યર. અય્યર વેસ્ટ ઈન્ડિઝ સામેની ટી-20 સિરીઝમાં સારું પ્રદર્શન કરી શક્યો ન હતો, જેના કારણે તેને ટીમમાં સામેલ કરવામાં આવ્યો નથી. તેને સ્ટેન્ડબાય પ્લેયર્સની યાદીમાં રાખવામાં આવ્યો છે. અય્યર ઉપરાંત અક્ષર પટેલ અને દીપક ચહરના નામ પણ સ્ટેન્ડબાયમાં સામેલ છે.

🚨#TeamIndia squad for Asia Cup 2022 - Rohit Sharma (Capt ), KL Rahul (VC), Virat Kohli, Suryakumar Yadav, Deepak Hooda, R Pant (wk), Dinesh Karthik (wk), Hardik Pandya, R Jadeja, R Ashwin, Y Chahal, R Bishnoi, Bhuvneshwar Kumar, Arshdeep Singh, Avesh Khan.

— BCCI (@BCCI) August 8, 2022

એશિયા કપ માટેની ભારતીય ટીમ

રોહિત શર્મા, કેએલ રાહુલ, વિરાટ કોહલી, સૂર્યકુમાર યાદવ, ઋષભ પંત, દીપક હુડા, દિનેશ કાર્તિક, હાર્દિક પંડ્યા, રવિન્દ્ર જાડેજા, આર અશ્વિન, યુઝવેન્દ્ર ચહલ, રવિ બિશ્નોઈ, ભુવનેશ્વર કુમાર, અર્શદીપ સિંહ અને અવેશ ખાન

English summary

Indian squad for Asia Cup announced