• search
For Quick Alerts
ALLOW NOTIFICATIONS  
For Daily Alerts

IPL 2021 : ​​પ્રથમ ક્વોલિફાયરમાં પંતની ધમાકેદાર ઈનિંગ, ચેન્નઈને 173 રનનો ટાર્ગેટ!

By Desk
|
Google Oneindia Gujarati News

નવી દિલ્હી : ઇન્ડિયન પ્રીમિયર લીગની 14 મી સીઝનની પ્રથમ ક્વોલિફાયર મેચ ચેન્નઈ સુપર કિંગ્સ અને દિલ્હી કેપિટલ્સ વચ્ચે દુબઈના મેદાન પર રમાઈ રહી છે, જ્યાં દિલ્હી કેપિટલ્સના કેપ્ટન રિષભ પંતે ઈતિહાસ સર્જ્યો છે. પંત પ્લેઓફ રમનાર IPL ના ઇતિહાસમાં સૌથી યુવા કેપ્ટન બન્યો છે, જ્યારે મહેન્દ્ર સિંહ ધોની IPL ના ઇતિહાસમાં પ્લેઓફ રમનાર બીજા સૌથી વૃદ્ધ કેપ્ટન બન્યા છે. મહેન્દ્ર સિંહ ધોની પહેલા આ રેકોર્ડ ભૂતપૂર્વ ભારતીય કેપ્ટન રાહુલ દ્રવિડના નામે છે, જેમણે વર્ષ 2013 માં પ્લેઓફ રમી હતી. રિષભ પંતે 24 વર્ષ અને 6 દિવસની ઉંમરે IPL પ્લેઓફ રમીને સૌથી યુવા કેપ્ટનનો રેકોર્ડ બનાવ્યો છે.

CSK ના કેપ્ટન મહેન્દ્ર સિંહ ધોનીએ ફાઇનલ માટે રમાઇ રહેલી આ મહત્વની મેચમાં ટી 20 ક્રિકેટમાં પોતાનો 150 મો ટોસ જીત્યો હતો. ટોસ જીત્યા બાદ કેપ્ટન મહેન્દ્ર સિંહ ધોનીએ પ્રથમ બોલિંગ કરવાનો નિર્ણય કર્યો હતો. ઉલ્લેખનીય છે કે દુબઈના મેદાન પર રમાયેલી તમામ 7 મેચોમાં પીછો કરનારી ટીમ જીતી છે, જ્યારે સીએસકેની ટીમે પણ પીછો કરતા પોતાની છેલ્લી 5 મેચ જીતી છે. આ સ્થિતિમાં દિલ્હી કેપિટલ્સ માટે પ્રથમ બેટિંગ કરતી વખતે મોટો સ્કોર બનાવવો પડકાર હતો.

ઓપનર શિખર ધવન (7) અને પૃથ્વી શો (60) એ દિલ્હી કેપિટલ્સ માટે ઝડપી શરૂઆત કરી અને 3.1 ઓવરમાં 36 રન બનાવ્યા. જોશ હેઝલવુડે શિખર ધવનને ધોનીના હાથે કેચ કરાવીને દિલ્હીને પહેલો ફટકો આપ્યો હતો, ત્યારબાદ શ્રેયસ અય્યર (1) વધારે યોગદાન આપી શક્યો ન હતો અને હેઝલવુડના બોલ પર ઋતુરાજ ગાયકવાડને કેચ આપીને પેવેલિયન પરત ફર્યો હતો.

એક તરફ દિલ્હી કેપિટલ્સ ટીમના બેટ્સમેનો એક પછી એક આઉટ થઈ રહ્યા હતા તો બીજી બાજુ પૃથ્વી શોની બેટિંગ ચાલુ રહી, તેને માત્ર 27 બોલમાં પોતાની અડધી સદી પૂરી કરી. પૃથ્વી શો આઈપીએલ 2021 ના ​​યુએઈ લેગમાં દિલ્હી માટે અડધી સદી ફટકારનાર પ્રથમ બેટ્સમેન છે. પૃથ્વી શોએ 34 બોલમાં 7 ચોગ્ગા અને 3 છગ્ગાની મદદથી 60 રન બનાવ્યા હતા. જો કે, દિલ્હી કેપિટલ્સે માત્ર 80 રનમાં પોતાની 4 વિકેટ ગુમાવી દીધી હતી અને એવું લાગતું હતું કે તેની ટીમ મુશ્કેલીમાં મુકાઈ રહી છે.

ત્યારબાદ કેપ્ટન ઋષભ પંત અને શિમરોન હેટમાયર (37) એ પાંચમી વિકેટ માટે 83 રનની ભાગીદારી કરીને ટીમને 160 રનની પાર પહોંચાડી દીધી હતી. શિમરોન હેટમાયરે 24 બોલમાં 3 ચોગ્ગા અને એક છગ્ગાની મદદથી 37 રન બનાવ્યા હતા, જ્યારે ઋષભ પંતે 35 બોલમાં 3 ચોગ્ગા અને 2 છગ્ગાની મદદથી અણનમ 51 રન બનાવ્યા હતા અને તેની ટીમનો સ્કોર 172 પર પહોચાડ્યો હતો.

English summary
IPL 2021: Pant's smashing innings in the first qualifier, Chennai target of 173 runs!
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X