India
  • search
For Quick Alerts
ALLOW NOTIFICATIONS  
For Daily Alerts
Oneindia App Download

IPL 2022 Final : ગુજરાતના બોલરો સામે રાજસ્થાન ઘુટણીએ, 131 રનનો ટાર્ગેટ!

By Desk
|
Google Oneindia Gujarati News

નવી દિલ્હી : ઇન્ડિયન પ્રીમિયર લીગની 15મી સિઝનની ફાઇનલ મેચ અમદાવાદના નરેન્દ્ર મોદી સ્ટેડિયમમાં રમાઇ રહી છે, જ્યાં 1.25 લાખથી વધુ ચાહકો ગુજરાત ટાઇટન્સ અને રાજસ્થાન રોયલ્સ વચ્ચેની ઐતિહાસિક મેચના સાક્ષી બની રહ્યા છે. આ મહત્વની મેચમાં રાજસ્થાન રોયલ્સ ટીમે ટોસ જીતીને પ્રથમ બેટિંગ કરવાનો નિર્ણય કર્યો હતો, પરંતુ ગુજરાત ટાઇટન્સ માટે તેના કેપ્ટન હાર્દિક પંડ્યાએ બોલિંગ કરી રાજસ્થાનને ઘુટણીએ પાડી દીધુ છે અને 20 ઓવરમાં 9 વિકેટે 130 રન પર રોકી દીધી છે.

રાજસ્થાન રોયલ્સ ટીમ માટે યશસ્વી જયસ્વાલ (22) અને જોસ બટલરે (39) સંભાળીને દાવની શરૂઆત કરી હતી, પરંતુ યશ દયાલે ચોથી ઓવરમાં જયસ્વાલની વિકેટ લઈને પોતાની ટીમને પ્રથમ સફળતા અપાવી હતી. જયસ્વાલના આઉટ થયા પછી સંજુ સેમસને (14) બટલર સાથે મળીને દાવને આગળ ધપાવ્યો અને પાવરપ્લેમાં એક વિકેટ ગુમાવીને 44 રન બનાવ્યા.

પાવરપ્લે પછી બટલરે ફર્ગ્યુસનની ઓવરમાં સતત બે ચોગ્ગા ફટકારીને સ્કોરકાર્ડને ઝડપથી વધારવાનો પ્રયાસ કર્યો પરંતુ કેપ્ટન હાર્દિક પંડ્યાએ મેચ બદલી નાખ્યો. હાર્દિક પંડ્યાએ તેની 4 ઓવરના સ્પેલમાં માત્ર 17 રન આપ્યા અને રાજસ્થાન રોયલ્સના 3 મોટા બેટર્સને પેવેલિયન પરત મોકલી દીધા. હાર્દિક પંડ્યાએ સૌપ્રથમ સુકાની સંજુ સેમસન (14) ની વિકેટ લીધી અને 2009 પછી IPL ફાઇનલમાં સામનો કરી રહેલી ટીમના કેપ્ટનને પરત મોકલનાર બીજો કેપ્ટન બન્યો. હાર્દિક પહેલા આ કારનામું અનિલ કુંબલેએ કર્યું હતું.

સેમસન પછી હાર્દિક પંડ્યાએ જોસ બટલરને (39) સાહાના હાથે કેચ કરાવીને બીજો મોટો ઝટકો આપ્યો હતો, જ્યારે તેની છેલ્લી ઓવરમાં શિમરોન હેટમાયર તેના જ બોલ પર કેચ આઉટ થયો હતો અને તેના સ્પેલનો અંત આવ્યો હતો. હેટમાયર આ ઓવરમાં આઉટ થતા પહેલા હાર્દિક સામે સતત 2 ચોગ્ગા ફટકાર્યા હતા. આ સાથે હાર્દિક પંડ્યા IPL ફાઇનલમાં શાનદાર બોલિંગ કરનાર બીજો કેપ્ટન બની ગયો છે. અનિલ કુંબલેએ 2009માં ડેક્કન ચાર્જર્સ સામે રમાયેલી ફાઈનલ મેચમાં 16 રન આપીને 4 વિકેટ ઝડપી હતી, જ્યારે હાર્દિક પંડ્યાએ હવે 17 રનમાં 3 વિકેટ ઝડપી છે અને તે આ યાદીમાં બીજા સ્થાને આવી ગયો છે.

English summary
IPL 2022 Final: Gujarat bowlers showed their strength, target of 131 runs!
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X