મેરી કોમે રચ્યો ઈતિહાસ, છઠ્ઠો ગોલ્ડ જીતીને બની વિશ્વની સૌથી સફળ મુક્કેબાજ
ભારતની લીજેન્ડ મુક્કેબાજ મેરી કોમે વુમન વર્લ્ડ ચેમ્પિયનમાં છઠ્ઠો ગોલ્ડ મેડલ જીતીને વિશ્વમાં ઈતિહાસ રચી દીધો.
ભારતની લીજેન્ડ મુક્કેબાજ મેરી કોમે વુમન વર્લ્ડ ચેમ્પિયનમાં છઠ્ઠો ગોલ્ડ મેડલ જીતીને વિશ્વમાં ઈતિહાસ રચી દીધો. તેમણે 48 કિગ્રા ભાર વર્ગમાં યુક્રેનની મુક્કેબાજ હન્ના ઓકહોટાને મ્હાત આપી. આ મુકાબલો જીતીને તેમણે પોતાના ઐતિહાસિક છઠ્ઠો ગોલ્ડ મેળવી લીધો. આમ કરનારી તે વિશ્વની પહેલી મુક્કાબાજ બની ગઈ છે.
મેરીએ આ મુકાબલો 5-0થી જીત્યો. મુકાબલાને જીત્યા બાદ મેરી કોમે પોતાની આ મહાન ઉપલબ્ધિને દેશના નામે સમર્પિત કરી છે. આ પહેલા મેરી કોમે 2010ની વર્લ્ડ ચેમ્પિયનશીપમાં ગોલ્ડ જીત્યો હતો. 35 વર્ષીય મેરી કોમ 2002, 2005, 2006, 2008, 2010 ચેમ્પિયનશીપમાં ગોલ્ડ મેડલ પોતાના નામે કરી ચૂકી છે.
આ છઠ્ઠા મેડલ સાથે તે વિશ્વની સૌથી સફળ મહિલા મુક્કેબાજ બની ચૂકી છે. તમને જણાવી દઈએ કે હવે આયરલેન્ડની કેટી ટેલર તેની પાછળ થઈ ગઈ છે. તેના નામે પાંચ ગોલ્ડ હતા અને અત્યાર સુધી તે સંયુક્ત રીતે મેરી કોમ સાથે એક નંબર પર ચાલી રહી હતી.
આ પણ વાંચોઃ VIDEO: મિઝોરમ પહોંચેલા અમિત શાહ હેલીકોપ્ટરમાંથી ઉતરતી વખતે પડ્યા