મોટો ખુલાસો: મેરી કોમનું પણ થયું હતુ શારીરિક શોષણ, દીકરાઓ સાથે વહેંચ્યું દુ:ખ
ભારતીય સ્ટાર મહિલા બૉક્સર અને રાજ્યસભા સાંસદ મેરી કોમે પોતાના વિશે એક મોટો ખુલાસો કર્યો છે, તેમણે પોતાના દીકરાઓને એક પત્ર લખ્યો છે, જેમાં તેમણે જણાવ્યું છે કે માત્ર 17 વર્ષની ઉંમરે તે શારીરિક શોષણની શિકાર બની હતી અને આ દુ:ખ તેમણે ત્રણ વાર સહન કર્યુ છે.
તેમની સાથે પહેલુ શારીરિક શોષણ મણિપુરમાં, બીજુ દિલ્હી અને ત્રીજુ હરિયાણાના હિસ્સારમાં થયુ હતુ. આ એ સમય હતો જ્યારે તેઓ ઘણી બધી પરંપરાઓ તોડી બૉક્સિંગ ક્ષેત્રમાં પોતાનું કૅરિયર બનાવવા સંઘર્ષ કરી રહ્યા હતા.
અંગ્રેજી વર્તમાનપત્રમાં પ્રકાશિત પત્રમાં મેરી કોમે આ દુ:ખ પોતાના ત્રણ દીકરાઓ સાથે વહેંચ્યુ છે, જેની પાછળનો હેતુ માત્ર એટલો જ છે કે, તેઓ ઇચ્છે છે કે તેમના દીકરાઓ દુનિયાની દરેક મહિલાનું દિલથી સમ્માન કરે. તેમણે પત્રમાં જણાવ્યું છે કે મારા દીકરાઓ, આ બધુ એ મહિલા સાથે થયુ છે, જે વિશ્વમાં પોતાના મુક્કાઓ માટે જાણીતી છે.