• search
For Quick Alerts
ALLOW NOTIFICATIONS  
For Daily Alerts

મિલ્ખા સિંહની ઇચ્છા છે કે સચિન બને રમત મંત્રી

|
Google Oneindia Gujarati News

પણજી, 11 ડિસેમ્બર: 'ફ્લાઇંગ શીખ' તરીકે જાણીતા ભારતીય એથલેટ મિલ્ખા સિંહે એવી ઇચ્છા વ્યક્ત કરી છે કે હાલમાં જ ક્રિકેટમાંથી સંન્યાસ લેનારા માસ્ટર બ્લાસ્ટર સચિન તેંડુલકર ભારતીય રમતોમાં સુધાર લાવવા માટે રમત મંત્રી બને.

મિલ્ખા સિંહે જણાવ્યું કે સચિન તેંડુલકરને ભારતના રમતમંત્રી બનાવવા જોઇએ, જેથી કરીને તે ભારતીય સ્પોર્સ્ટ માટે ઉમદા કામ કરી શકે. સચિન એકમાત્ર એવા ખેલાડી છે જે સ્પોર્ટ્સ માટે ગંભીરતા અને સમર્પણ ભાવથી કામ કરી શકે.

ઉલ્લેખનીય છે કે મિલ્ખા સિંહ પણજી માં લ્યુસોફોનીયા ગેમ્સ માસ્કોટના અનાવરણના પર પત્રકારો સાથે વાત કરી રહ્યા હતા. આ દરમિયાન મિલ્ખા સિંહે સચિનને રમત મંત્રી બનાવવાની પોતાની ઇચ્છા વ્યક્ત કરી હતી.

મિલ્ખા સિંહ આવતા વર્ષે ગોવામાં યોજાનાર પોર્ટૂગીઝ કોમનવેલ્થ ગેમ્સ 2014ના 'જોજો' નામના મોસ્કોટનું અનાવરણ કરી રહ્યા હતા. મિલ્ખા સિંહને એવો પણ સવાલ કરાયો કે તે સચિનના બદલે ભારત રત્ન તેમને મળવો જોઇતો હતો કે નહીં? જેના જવાબમાં તેમણે જણાવ્યું કે 'આના વિશે મેં ક્યારેય વિચાર્યું જ નથી.'

પરંતુ મિલ્ખાસિંહે એટલું ચોક્કસ જણાવ્યું કે સચિનની પહેલા ભારતનું આ સર્વોચ્ચ સન્માન એક એથ્લેટને મળવું જોઇતું હતું. તેમણે કહ્યું કે 'ભારત રત્ન માટે એક વ્યક્તિ ચોક્કસ લાયક છે અને અન્ય કોઇની પહેલા તેમને આ સન્માન મળવું જોઇતું હતું. અને તે છે હોકી પ્લેયર ધ્યાનચંદ.'

English summary
Sachin Tendulkar should be made sports minister to improve India's sporting prowess, ace athlete Milkha Singh said here Tuesday.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X