ફાઈનલમાં હારીને પણ પી વી સિંધુએ રચ્યો ઈતિહાસ, મેળવ્યો સિલ્વર મેડલ
ઈન્ડોનેશિયામાં ચાલી રહેલ 18 માં એશિયન ગેમ્સમાં આમ તો રોજ ઘણી રોમાન્ચક મેચો જોવા મળી રહી છે, ઘણા ખેલાડીઓએ આ ખેલમાં પોતાના પ્રદર્શનથી બધાને પોતાના દીવાના બનાવી દીધા છે પરંતુ મંગળવારની રાહ દરેક રમત પ્રશંસક જોઈ રહ્યો હતો કારણ હતુ બેડમિન્ટનની એક ઐતિહાસિક મેચ કે જે ભારતની પી વી સિંધુ અને વિશ્વની નંબર વન ખેલાડી તાઈ જુ યિંગ વચ્ચે રમાવાની હતી. આ મુકાબલો ઐતિહાસિક એટલા માટે પણ હતો કારણકે સેમીફાઈનલ મુકાબલામાં રિયો ઓલિમ્પિકની સિલ્વર મેડલિસ્ટ સિંધુએ અકાને યામાગુચીને હરાવીને ફાઈનલમાં પ્રવેશ કર્યો હતો કે જે કોઈ પણ ભારતીય શટલર ખેલાડી દ્વારા કરવામાં આવેલુ શ્રેષ્ઠ પ્રદર્શન હતુ.
તાઈ જુ યિંગે ભારતની સ્ટાર બેડમિન્ટન ખેલાડી સાયના નહેવાલને હરાવીને ફાઈનલમાં પગ મૂક્યો હતો. એટલે આ મુકાબલો બે દિગ્ગજો સાથે સાથે પોતાના દેશના ખેલાડીને હરાવનાર સામે હિસાબ ચૂક્તો કરનાર પણ હતો. જો કે આ મુકાબલામાં ફરીથી એક વાર તાઈ જુ યિંગે મેદાન મારી લીધુ અને પી વી સિંધુને હરાવીને ગોલ્ડ પર કબ્જો મેળવી લીધો. વળી સિંધુને સિલ્વર મેડલથી જ સંતોષ માનવો પડ્યો.
આ પણ વાંચોઃ યામાગુચીને હરાવીને પી વી સિંધુએ રચ્યો ઈતિહાસ, ફાઈનલમાં કર્યો પ્રવેશ
#AsianGames2018: Indian Shuttler PV Sindhu wins silver medal after losing to Tai Tzu Ying in Women's Badminton Singles pic.twitter.com/GOb8W3zdXF
— ANI (@ANI) 28 August 2018
હારીને પણ રચ્યો ઈતિહાસ
તમને જણાવી દઈએ કે પી વી સિંધુ ભલે આ મેચ હારી ગઈ હોય અને તે ગોલ્ડ ચૂકી ગઈ હયો પરંતુ તેમછતા તેણે ઈતિહાસ રચ્યો છે કારણકે ભારતીય ખેલના ઈતિહાસમાં પી વી સિંધુ એશિયન ગેમ્સમાં સિલ્વર મેડલ જીતનાર પહેલી ભારતીય ખેલાડી બની ગઈ છે. આ મહત્વના મુકાબલામાં સિંધુએ 21-13 થી પોતાનો પહેલો સેટ ગુમાવી દીધો. વળી, બીજા રાઉન્ડમાં તાઈએ 16-21 થી બીજો સેટ જીતીને ભારતની ગોલ્ડની આશાઓ તોડી દીધી અને સિંધુએ ફરીથી એક વાર સિલ્વર મેડલથી સંતોષ માનવો પડ્યો. તમને જણાવી દઈએ કે આ મેડલ સાથે ભારતના ચંદ્રકોની સંખ્યા હવે 44 થઈ ગઈ છે.
આ પણ વાંચોઃ એશિયન ગેમ્સ 2018: મહિલા કબડ્ડીમાં ભારતને હરાવનાર ભારતીય મહિલા