RCB vs GT : વિરાટ કોહલીની ફિફ્ટી પર અનુષ્કાએ મહેફિલ લૂંટી, ગુજરાતને 171 રનનો ટાર્ગેટ!
આખરે વિરાટ કોહલીના બેટથી રનનો દુષ્કાળ ખતમ થયો છે. IPL 2022માં કોહલીએ પ્રથમ 9 મેચમાં કોઈ મોટી ઇનિંગ્સ રમી ન હતી, પરંતુ ગુજરાત ટાઇટન્સ સામેની સિઝનની 44મી મેચમાં તેણે ફિફ્ટી ફટકારીને ટીકાકારોને જવાબ આપ્યો છે.
નવી દિલ્હી : આખરે વિરાટ કોહલીના બેટથી રનનો દુષ્કાળ ખતમ થયો છે. IPL 2022માં કોહલીએ પ્રથમ 9 મેચમાં કોઈ મોટી ઇનિંગ્સ રમી ન હતી, પરંતુ ગુજરાત ટાઇટન્સ સામેની સિઝનની 44મી મેચમાં તેણે ફિફ્ટી ફટકારીને ટીકાકારોને જવાબ આપ્યો છે. કોહલી મુંબઈના બ્રેબોર્ન સ્ટેડિયમમાં ઓપનિંગ કરવા આવ્યો હતો. ફાફ ડુ પ્લેસિસ ખાતું ખોલાવ્યા વિના જ આઉટ થઈ ગયો હતો, પરંતુ કોહલીએ ક્રિઝ પર રહીને ખૂબ જ સમજદારી સાથે પોતાની અડધી સદી પૂરી કરી હતી.
કોહલીએ 45 બોલમાં પોતાની ફિફ્ટી પૂરી કરી હતી. આ તેની IPL કારકિર્દીની 43મી અડધી સદી પણ હતી, જે 217મી મેચમાં આવી હતી. કોહલીએ IPLમાં પણ 5 સદી ફટકારી છે. કોહલીએ IPLની 14 ઇનિંગ્સ બાદ આ અડધી સદી ફટકારી છે. આ સિઝનમાં આ તેની પ્રથમ અડધી સદી પણ હતી. અગાઉ આ સિઝનમાં કોહલીનો સર્વશ્રેષ્ઠ સ્કોર 48 હતો. જો કે, કોહલીના બેટમાંથી નીકળેલી અડધી સદી ધીમી હતી. કારણ કે તેની ઇનિંગ્સ 58 રન પર સમાપ્ત થઈ હતી જે 53 બોલમાં આવી હતી. તેની ઇનિંગમાં 6 ફોર અને 1 સિક્સર હતી. મોહમ્મદ શમીએ કોહલીને આઉટ કર્યો હતો.
Boss Lady cheering for Kohli! #RCB #RCBvGT #GTvRCB #IPL #IPL2022 #ViratKohli #AnushkaSharma pic.twitter.com/oLxnkcOmZD
— RCBIANS OFFICIAL (@RcbianOfficial) April 30, 2022
કોહલીએ પોતાની અડધી સદી પૂરી કરતાની સાથે જ સ્ટેન્ડ પર બેઠેલી તેની પત્ની અનુષ્કા શર્મા પણ ખુશી વ્યક્ત કરતી જોવા મળી હતી. અનુષ્કા સફેદ ડ્રેસમાં જોવા મળી હતી. કોહલી જ્યારે બાઉન્ડ્રી ફટકારી રહ્યો હતો ત્યારે તે ચીયર કરતી હતી, જેની તસવીરો પણ સોશિયલ મીડિયા પર વાયરલ થઈ રહી છે.
કોહલીની પાટીદાર સાથેની મજબૂત ભાગીદારી આ વખતે અલગ અંદાજમાં જોવા મળી હતી. ડુ પ્લેસિસના આઉટ થયા બાદ કોહલીએ રજત પાટીદાર સાથે મળીને દાવ સંભાળ્યો હતો. એક તરફ પાટીદાર ઝડપી રમી રહ્યો હતો તો બીજી તરફ કોહલી પોતાનું ખોવાયેલું ફોર્મ પાછું મેળવવા માટે સાવધાનીપૂર્વક રમતો જોવા મળ્યો હતો. બંનેએ બીજી વિકેટ માટે 99 રનની ભાગીદારી કરી હતી. પાટીદારે 32 બોલમાં 52 રન બનાવ્યા હતા.
મેચની વાત કરીએ તો ટોસ જીત્યા પછી બેટિંગ કરવાનું પસંદ કરતા RCBની શરૂઆત ખરાબ રહી હતી. ફાફ ડુ પ્લેસિસ શૂન્યના સ્કોર પર આઉટ થયો હતો. IPLમાં મોટા બેટ્સમેન શૂન્ય પર આઉટ થવાનો સિલસિલો ચાલુ છે. પરંતુ આ પછી વિરાટ કોહલી અને રજત પાટીદાર વચ્ચે 99 રનની ભાગીદારી થઈ હતી. પાટીદારે ઝડપી અડધી સદી ફટકારી હતી પરંતુ દાવને વધુ લંબાવી શક્યો ન હતો અને પ્રદીપ સાંગવાન દ્વારા આઉટ થયો હતો.
આ મેચમાં ગ્લેન મેકિલવેલ પણ સારૂ રમ્યો હતો, જે RCB માટે બીજી રાહત છે. વિરાટ કોહલીએ અડધી સદી પૂરી કરી પરંતુ તે ઇનિંગ્સને લંબાવી શક્યો નહોતો અને 53 બોલમાં 58 રન બનાવીને આઉટ થયો હતો. આરસીબી માટે સૌથી ખરાબ બાબત એ છે કે દિનેશ કાર્તિક નિષ્ફળ રહ્યો હતો. આ વખતે કાર્તિક માત્ર 2 રન બનાવીને રાશિદ ખાનનો શિકાર બન્યો હતો.