• search
For Quick Alerts
ALLOW NOTIFICATIONS  
For Daily Alerts

T20 વર્લ્ડકપ: ભારતે પાકિસ્તાનને 8 વિકેટ હરાવ્યું, સેમીફાઇનલની આશા યથાવત

By Kumar Dushyant
|
Google Oneindia Gujarati News
કોલંબો, 1 ઓક્ટોમ્બર: T20 વર્લ્ડકપની મહત્વપૂર્ણ મેચમાં પાકિસ્તાનને હરાવી ભારતે સેમીફાઇનલમાં પ્રવેશવા માટેની આશાઓ બચાવી લીધી છે. સુપર-8ના મેચમાં વિરાટ કોહલીની 78 (અણનમ)ની ઇનિંગના કારણે ભારતે પાકિસ્તાનને 8 વિકેટ હરાવી ફતેહ મેળવી હતી. પાકિસ્તાને પ્રથમ બેટીંગ કરતા 128 રન બનાવ્યા હતા, તેના જવાબમાં ભારતે 17 ઓવરમાં ટાર્ગેટનો પ્રાપ્ત કરી લીધો હતો. આ જીતની સાથે એ રેકોર્ડ યથાવત બનાવી રાખ્યો હતો કે ભારત વર્લ્ડકપની કોઇપણ મેચમાં પાકિસ્તાન સમક્ષ હાર્યું નથી. ભારત તરફથી બાલાજીએ 3 વિકેટ ઝડપી હતી. યુવરાજ અને અશ્વિને 2-2 વિકેટ પ્રાપ્ત કરી હતી. જ્યારે ઇરફાન પઠાણ અને વિરાટ કોહલીને 1-1 વિકેટ મેળવી હતી.

વર્લ્ડકપમાં ભારતે પાકિસ્તાનને સાતમીવાર પછાડ્યું
સુપર-8માં ઓસ્ટ્રેલિયા સામે ભારતનો પરાજય થતાં ભારતને સેમીફાઇનલમાં પહોંચવા માટે બંને મેચો જીતવી જરૂરી બની ગઇ હતી. એવામાં પાકિસ્તાન સામે જીત હાંસલ કરી ભારતે પુનરાગમન કરી લીધું છે. આ જીત બાદ ભારતની સેમીફાઇનલમાં પહોંચવાની સાથે સાથે વર્લ્ડકપ માટે દાવેદાર બને એવી આશાઓ ઉજાગર કરી છે.

ભારતની ખરાબ શરૂઆત
પાકિસ્તાનના 128 રનોના ટાર્ગેટનો પીછો કરવા ઉતરેલી ભારતીય ટીમની શરૂઆત સારી રહી ન હતી. પ્રથમ ઓવરમાં ગૌતમ ગંભીર શૂન્ય રને આઉટ થઇ ગયો હતો. રજા હસને પોતાની ઓવરમાં જ કેચ આઉટ કરી દિધો હતો.

સહેવાગ પોતાના રૂપ જોવા ન મળ્યો
કેટલીક મેચ રમ્યા બાદ વીરેન્દ્ર સહેવાગનો ટીમમાં સમાવેશ કરવામાં આવ્યો હતો. સહેવાગે 24 બોલમાં 4 ચોગ્ગાની મદદથી 29 રન બનાવ્યા હતાં.

કોહલીની વિરાટ ઇનિંગ
પ્રથમ ઓવરમાં જ ગૌતમ ગંભીર આઉટ થઇ જતા ભારતની મુશ્કેલીઓ વધી ગઇ હતી. પરંતુ ફરી એકવાર કોહલીએ ભારત માટે જોરદાર ઇનિંગ રમી પાકિસ્તાનને પરસેવો પડાવી દિધો હતો. વિરાટ કોહલીએ 61 બોલમાં 8 ચોગ્ગા અને 2 સિક્સરની મદદથી 78 (અણનમ) રનની શાનદાર ઇનિંગ રમ્યો હતો. આ શાનદાર પ્રદર્શન બદલ તેને મેન ઓફ ધ મેચ જાહેર કરવામાં આવ્યો હતો.

યુવરાજ સિંહનું ઓલરાઉન્ડર પ્રદર્શન
સહેવાગના આઉટ થયા બાદ બેટીંગ કરવા માટે ઉતરેલા ઓલરાઉન્ડર યુવરાજ સિંહે આ મેચમાં શાનદાર બોલીંગની સાથે સાથે બેટીંગમાં પણ શાનદાર પ્રદર્શન કર્યું હતું. યુવરાજ સિંહે વિરાટ કોહલીને સાથ આપતાં 16 બોલમાં 19 રન બનાવી અણનમ રહ્યો હતો. યુવરાજ સિંહે બે ચોગ્ગા ફટકાર્યા હતા.

ભારતીય બોલરોની સારી શરૂઆત
ટોસજીતીને પ્રથમ બેટીંગ કરતા પાકિસ્તાની શરૂઆત ઠીક રહી હતી. બીજી ઓવરમાં ઇરફાન પઠાણે ઇમરાન નજીરને એલબીડબ્લ્યૂ કરી આઉટ કરી દિધો હતો. પાકિસ્તાનના શાહિદ આફ્રિદીએ 12 બોલ બોલમાં 14 રન બનાવી બેટિંગ ઓર્ડરને ઉપર ઉઠાવ્યો હતો. આફ્રિદી બાલાજીની ઓવરમાં સુરેશ રૈનાને આસાન કેચ આપી પેવેલીયન ભેગો થઇ ગયો હતો. આમ એકંદરે ભારતીય બોલરોએ સારી શરૂઆત કરતાં જીત માટેની પૂર્વ તૈયારી કરી દિધી હતી.

યુવરાજની બોલિંગ
ધોનીએ સાતમી ઓવર યુવરાજને આપી હતી અને યુવરાજ ચોથા બોલે નાસિર જમશેદ વિકેટ ઝડપી પાડી હતી. યુવરાજ સિંહના ચોથા બોલે નાસિરે ધોનીને કેચ આપી આપી દિધો હતો. ત્યારબાદની ઓવરમાં ફરી એકવાર યુવરાજે કામરન અકમલને 5 રને પેવેલિયન ભેગો કરી દિધો હતો.

વિરાટ કર્યો બોલ્ડ
વિરાટ કોહલીએ 10મી ઓવરમાં ઓપનર હફીજને બોલ્ડ કરી પાકિસ્તાનની કમર ભાંગી નાંખી હતી. હફીજે 28 બોલમાં એક ચોગ્ગાની મદદથી 15 રન બનાવ્યા હતાં.

અશ્વિનની ફીરકી
પાકિસ્તાન તરફથી સુંદર રીતે રમી રહેલા શોએબ મલિકને અશ્વિનને રોહિત શર્માના હાથે કેચ આઉટ કરાવ્યો હતો. શોએબ મલિકે 22 બોલમાં ત્રણ ચોગ્ગાની મદદથી 28 રન બનાવ્યા હતા. બીજી એક ઓવરમાં અશ્વિને ઉમરને રૈનાના કેચ આઉટ કરાવ્યો હતો.

English summary
Virat Kohli and bowlers set up a big eight-wicket victory for India over Pakistan in their Super Eight game of ICC World Twenty20 2012 here on Sunday night.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X