કેરેબિયને લૂંટી લંકા, 33 વર્ષ બાદ બન્યું વર્લ્ડકપ વિજેતા

નવી દિલ્હી, 8 ઑક્ટોબર: ટી20 વર્લ્ડકપની ફાઇનલ મેચમાં વેસ્ટઇન્ડિઝે મેજબાન ટીમ શ્રીલંકાને હરાવી ટી20ના ખિતાબ પર કબજો મેળવી લીધો છે. વેસ્ટઇન્ડિઝના 137 રનના જવાબમાં શ્રીલંકાની આખી ટીમ 18.4 ઓવરમાં ફક્ત 101 રનનો ચાંદલો કરી ઓલઆઉટ થઇ ગઇ હતી અને આ રીતે વેસ્ટઇન્ડિઝે આ મેચ અને ટી20 ખિતાબ 36 રનથી જીતી લીધો છે.

વેસ્ટઇન્ડિઝે શ્રીલંકા સમક્ષ જીત માટે 138 રનનો લક્ષ્યાંક મૂક્યો હતો. વેસ્ટઇન્ડિઝે પ્રથમ બેટીંગ કરતાં નિર્ધારિત 20 ઓવરમાં 6 વિકેટ ગુમાવી 137 રન બનાવ્યા હતા. વેસ્ટઇન્ડિઝની ટીમ તરફથી સેમુએલ્સે સૌથી વધુ 78 રનનું યોગદાન કર્યું હતું. વેસ્ટઇન્ડિઝના સૌથી વિશ્વનીય ખેલાડી ક્રિસ ગેઇલ ફક્ત 3 રન બનાવી પેવેલિયન ભેગો થઇ ગયો હતો. વેસ્ટઇન્ડિઝ તરફથી નરેનને 3, સૈમી ને 2 અને રામપાલ, બદ્રી અને સેમ્યુઅલ્સે 1-1 વિકેટ ઝડપી હતી.

ગત પાંચ વર્ષોમાં આ ચોથો અવસર છે કે વન-ડે અને ટ્વેન્ટી-20 વર્લ્ડકપની ફાઇનલમાં શ્રીલંકાની ટીમને પરાજયનો સામનો કરવો પડ્યો છે. વેસ્ટઇન્ડિઝે 1975 અને 1979માં વન-ડે વર્લ્ડકપ જીત્યો છે. ત્યારબાદ હવે તે 32 વર્ષ પછી વર્લ્ડકપ ચેમ્પિયન બન્યું છે. કેરેબિયન ટીમે 2004માં આઇસીસી ચેમ્પિયન ટ્રોફી જીતી હતી.

English summary

West Indies outclassed hosts Sri Lanka by 36 runs in a low-scoring finale to lift the 2012 World Twenty20 title at R Premadasa Stadium in Colombo on Sunday.