ચશ્મે બદ્દૂર : દરેક મિત્ર કમીનો હોય છે...

| Updated: Monday, October 6, 2014, 17:24 [IST]

મુંબઈ, 11 ફેબ્રુઆરી : અરે રખે ચૂકતાં. એવું અમે નથી કહેતાં, પણ દિગ્દર્શક ડેવિડ ધવનનું કહેવું છે કે જે લાંબાગાળે ફિલ્મ નિર્માણ કરી રહ્યાં છે. કૉમેડી ફિલ્મોના મહારથી ગણાતાં ડેવિડ ધવન 1981ની સુપરહિટ ફિલ્મ ચશ્મ-એ-બદ્દૂરની રીમેક બનાવી રહ્યાં છે કે જે એક-બીજા માટે જાન આપી દેતા મિત્રોની વાર્તા નથી, પણ કમીના મિત્રોની વાર્તા કહે છે.

આ વાર્તા છે એક એવા મિત્રની કે જે એક સુંદર છોકરીને પ્રેમ કરી બેસે છે, પરંતુ તેને પોતાના દિલની વાત કહી નથી શકતો. તેથી તે પોતાના મિત્રોની મદદ માંગે છે, પરંતુ તેના મિત્રો તેની મદદ કરવાના બદલે તેના પ્રેમને જ તેનાથી દૂર કરવા લાગી જાય છે અને પોતાનો રસ્તો બનાવવા લાગે છે. ચશ્મે બદ્દૂર વીતેલા જમાનાની ખૂબ જ સુંદર ફિલ્મોમાં ગણાય છે કે જેને આજે પણ લોકો જોવી પસંદ કરે છે.

૧૯૮૧માં આવેલી સાઇ પરાંજપેની ફિલ્મ ચશ્મ-એ-બદ્દૂરમાં રાકેશ બેદી, ફારુખ શેખ અને રવિ વાસવાણી મુખ્ય ભૂમિકામાં હતા. જ્યારે આ જ ફિલ્મની ડેવિડ ધવન દિગ્દર્શિત રિમેકમાં પાકિસ્તાની એક્ટર અલી ઝફર, સિદ્ધાર્થ, દિવ્યેન્દુ શર્મા અને તાપસી પન્નૂ લીડ રોલમાં છે. ગોર કરવાની બાબત એ છે કે લાંબાગાળે ફિલ્મ બનાવી રહેલ ડેવિડ ધવને આ ફિલ્મમાં પોતાના પુત્ર વરુણને નથી લીધો કે જેમની પ્રથમ ફિલ્મ સ્ટુડન્ટ ઑફ ધ ઈયર રિલીઝ થઈ ચુકી છે. ફિલ્મનો ફર્સ્ટ લુક લૉન્ચ થઈ ચુક્યો છે કે જેને યુટ્યુબ ઉપર સારો રિસ્પૉન્સ મળ્યો છે. ફિલ્મ 5મી એપ્રિલના રોજ રિલીઝ થઈ રહી છે.