ખેતી સમાચાર : ખેતીની કાયાપલટ કરવા સરકારની નવી યોજના, જાણો શું છે પંચાયત મૌસમ સેવા?
છેલ્લા કેટલાક વર્ષોમાં આબોહવા પરિવર્તનને કારણે ખેડૂતોની મુશ્કેલીઓ વધી છે. ગુજરાત સહિત દેશભરના ખેડૂતો સતત માવઠા અને ગરમીનો ભોગ બની રહ્યા છે ત્યારે સરકાર હવે ખેડૂતો માટે એક નવી સેવા શરૂ કરવા જઈ રહી છે.
અહેવાલો અનુસાર, ભારત સરકારનું હવામાન વિભાગ બહુ જલ્દી એક નવી સેવા શરૂ કરવા જઈ રહ્યું છે. આ સેવાથી અંતરિયાળ વિસ્તારના ખેડૂતોને ગામમાં જ હવામાન વિભાગની તમામ આગાહીઓની માહિતી મળી જશે.
પંચાયત મૌસમ સેવા શું છે?
હાલની સ્થિતીમાં હવામાન વિભાગ દ્વારા રાજ્ય અને જિલ્લા કક્ષાએ જ હવામાનની આગાહીઓ કરવામાં આવે છે. મૌસમ સેવા એ આ સેવાને ગ્રામ્ય વિસ્તારો સુધી વિસ્તારવાની યોજના છે.
ગ્રામ પંચાયતથી હવામાનની આગાહી થશે
ભારત સરકારના હવામાન વિભાગની આ સેવા શરૂ થયા બાદ ગ્રામ પંચાયતોમાંથી જ હવામાન વિભાગની આગાહી કરવામાં આવશે. આનાથી મોટો ફાયદો એ થશે કે જિલ્લા જેવા મોટા વિસ્તારની જગ્યાઓએ વિસ્તારો પ્રમાણે ચોક્કસ આગાહી કરી શકાશે.
દરેક ગામમાં 5 ખેડૂતોને જોડવાનો લક્ષ્યાંક
આ યોજનાથી ખેડૂતોને સીધા હવામાન વિભાગ સાથે જોડવામાં આવશે. આ સેવા સાથે દરેક ગામમના ઓછામાં ઓછા 5 ખેડૂતોને જોડવામાં આવશે.
12 ભાષાઓમાં સેવા શરૂ થશે
આ સેવા હિન્દી અને ઈંગ્લિશ સહિત 12 ભાષાઓમાં શરૂ કરવામાં આવશે. રાજ્યો પ્રમાણે લોકલ ભાષાઓમાં આ સેવાઓને કારણે અંતરિયાળ વિસ્તારો સુધી હવામાનની સાચી આગાહી પહોંચશે.
પવનની ગતિ, ભેજનું પ્રમાણ અને માવઠાની ચોક્કસ આગાહી ખેડૂતોને મળી રહેશે
આ સેવાથી ખેડૂતોને તેમની મોંઘી જણસને માવઠાના માર કે પછી જીરા જેવા પાકોને અસર કરતા ઝાકળની સમય પહેલા જ આગાહીઓ મળી જશે. આનાથી ખેડૂતો તેમના ખેતરમાં આફત પહેલા દવાનો છટકાંવ કરીને કાળીયા જેવા રોગોથી બચી શકશે.
Click it and Unblock the Notifications
Sign in with Google
