Mirror Vastu Tips : ઘરમાં ન કરો અરીસા સંબંધિત આ ભૂલો, થઇ જશે મોટું નુકસાન

Mirror Vastu Tips: દર્પણ, અરીસો, મિરર આ બધા એકબીજાના સમાનાર્થી છે. અરીસો એક એવી વસ્તુ છે, જે લગભગ દરેક ઘરમાં હોય છે. જોકે, અરીસાનો ઉપયોગ તબીબી સાધનો, વૈજ્ઞાનિક સંશોધન, કલા અને મનોરંજન, શણગાર, છબી જોવા વગેરે જેવા ઘણા હેતુઓ માટે થાય છે, પરંતુ આ બધામાં અરીસાનો ઉપયોગ સામાન્ય રીતે માત્ર પ્રતિબિંબ જોવા માટે થાય છે.

ઘરમાં અરીસાની જાળવણીને લઈને વાસ્તુશાસ્ત્રમાં ઘણી માન્યતાઓ છે. અત્રે નોઁધનીય બાબત છે કે, વાસ્તુ એ વિજ્ઞાન છે, જે કોઈપણ સ્થાનના પાંચ તત્વોને નિયંત્રિત કરવામાં મદદ કરે છે.

એવું માનવામાં આવે છે કે, વાસ્તુ અનુસાર અરીસો લગાવવાથી ઘરમાં સુખ-સમૃદ્ધિ આવે છે, અને સાથે જ ઘરના લોકોનું સ્વાસ્થ્ય પણ સારું રહે છે. આ અહેવાલમાં આપણે જાણીશું કે, વાસ્તુશાસ્ત્ર અનુસાર ઘરમાં અરીસો લગાવવાની સાચી રીત કઈ છે.

અરીસાની દિશા - જેમ કે આપણે જાણીએ છીએ કે, વાસ્તુશાસ્ત્રમાં અરીસાની દિશા ખૂબ જ મહત્વપૂર્ણ માનવામાં આવે છે. વાસ્તુ વિજ્ઞાન અનુસાર સકારાત્મક ઉર્જાનો પ્રવાહ પૂર્વથી પશ્ચિમ અને ઉત્તરથી દક્ષિણ તરફ હોય છે. એટલા માટે અરીસો હંમેશા પૂર્વ અને ઉત્તરની દિવાલો પર એવી રીતે લગાવવો જોઈએ કે, જોનારનું મુખ પૂર્વ કે ઉત્તર તરફ હોય.

અરીસાઓ લગાવતી વખતે ખાસ ધ્યાન રાખો કે, બે અરીસા ક્યારેય એકબીજાની બરાબર વિરુદ્ધ ન હોવા જોઈએ. આમ કરવાથી ઘરમાં નકારાત્મક ઉર્જાનો સંચાર વધી શકે છે.

આ ઉપરાંત, ખાતરી કરો કે અરીસો જમીનથી ચારથી પાંચ ફૂટની ઊંચાઈએ લગાવેલ છે. આ સિવાય પલંગની પાસે મોટું ડ્રેસિંગ ટેબલ અથવા સાઇડ ટેબલ રાખવું શુભ માનવામાં આવે છે.

કોઈપણ રૂમમાં અરીસો મૂકતી વખતે ખાસ ધ્યાન રાખો કે, સૂતી વખતે તમારા શરીરનો કોઈ અંગ અરીસામાં ન દેખાય. પશ્ચિમ અથવા દક્ષિણ તરફની દિવાલો પર સ્થાપિત અરીસાઓ પૂર્વ અને ઉત્તર તરફથી આવતી સકારાત્મક શક્તિઓને પ્રતિબિંબિત કરે છે.

અરીસાનું પ્રતિબિંબ - જો તમારા ઘરની બારી બહાર કોઈ સુંદર દ્રશ્ય છે, તો અરીસાને એવી રીતે મૂકો કે તે સુંદર દ્રશ્યને પ્રતિબિંબિત કરે. તેનાથી ઘરમાં સકારાત્મક ઉર્જા આવે છે, અને મનમાં પ્રસન્નતા આવે છે.

આ સિવાય જો તમે ગંદકી કે નકારાત્મકતાથી ઘેરાયેલા હોવ તો સામે અરીસો રાખવાથી તે નકારાત્મક ઉર્જા શોષી લે છે. જોકે, મુખ્ય દરવાજાની સામે અરીસો અથવા કાચની કોઈપણ વસ્તુઓ ક્યારેય ન રાખવી જોઈએ.

અરીસાને બેડરૂમમાં ન મુકો - બેડરૂમમાં અરીસો ન લગાવવો જોઈએ, આમ કરવાથી વિવાહિત જીવનમાં એકબીજા પર વિશ્વાસનો અભાવ થાય છે. આ સાથે પતિ-પત્ની વચ્ચે પરસ્પર મતભેદો પણ વધે છે, અને પતિ-પત્નીને સ્વાસ્થ્ય સંબંધિત અનેક સમસ્યાઓનો સામનો કરવો પડી શકે છે.

અરીસાનું કદ - મિરર ખરીદતી વખતે, તમારે તેના કદ પર વિશેષ ધ્યાન આપવું જોઈએ. વાસ્તવમાં, વાસ્તુશાસ્ત્રમાં કદને લઈને કોઈ સૂચન આપવામાં આવ્યું નથી, પરંતુ માન્યતાઓ અનુસાર, તમે ચોરસ અથવા લંબચોરસ જેવા ચાર ખૂણાવાળા કોઈપણ આકાર પસંદ કરી શકો છો.

વાસ્તુ અનુસાર લંબચોરસ અને ચોરસ આકાર શુભ માનવામાં આવે છે. તમે ચોરસ અને લંબચોરસ આકારના અરીસાઓ વડે સુંદર પેટર્ન પણ બનાવી શકો છો.

મિરર્સ લગાવતી વખતે ધ્યાનમાં રાખવા જેવી બાબતો

• અરીસાઓને નિયમિતપણે સાફ કરો, જેથી તેઓ સ્પષ્ટ છબી પ્રતિબિંબિત કરે.
• તમારા ઘરની ઉત્તર-પૂર્વ અથવા ઉત્તર દિશામાં અરીસો અથવા અન્ય કાચની વસ્તુઓ મૂકો.
• ખાતરી કરો કે તમારા ઘરના દરેક અરીસાની ઊંચાઈ માત્ર ચાર કે પાંચ ફૂટ જ છે.
• અપારદર્શક વિન્ડો કાચ અને દરવાજા ટાળો. પારદર્શક પસંદ કરવાનું હંમેશા વધુ સારું છે.
• અરીસો બાળકોને વિચલિત કરી શકે છે, અને તેમની એકાગ્રતામાં અવરોધ લાવી શકે છે, તેથી તેમને અભ્યાસના ટેબલની નજીક ન મૂકો.

નોંધ : આ માહિતી ઇન્ટરનેટ પર ઉપલબ્ધ ધારણાઓ અને માહિતી પર આધારિત છે. OneIndia Gujarati આ લેખ સંબંધિત કોઈપણ ઇનપુટ અથવા માહિતીની ચકાસણી કરતું નથી. કોઈપણ માહિતી અને ધારણાઓ પર કાર્ય કરતા પહેલા અથવા લાગુ કરતા પહેલા સંબંધિત નિષ્ણાતની સલાહ લેવી જરૂરી છે.

English summary

Mirror Vastu Tips: Don't do these mirror related mistakes at home, it will cause big damage