એમ્પિયરે ભારતમાં રિયો એલીટ ઇલેક્ટ્રિક સ્કૂટર લોન્ચ કર્યું, જાણો કિંમત

Updated: Wednesday, December 25, 2019, 11:40 [IST]

એમ્પીયરે ભારતમાં પોતાનું નવું ઇલેક્ટ્રિક સ્કૂટર રિયો એલીટ લોન્ચ કર્યું છે. તેની એક્સ શોરૂમ કિંમત 45,099 રૂપિયા છે. એમ્પીયર રિયો એલીટની બુકિંગ પણ શરૂ કરાઈ છે. એમ્પીયરના આ ધીમી ગતીના સ્કૂટરની બેંગ્લોરમાં કંપનીની વેબસાઇટ અને ડીલરશીપ પર બુકીંગ શરૂ કરાયુ છે. એમ્પીયર રિયો એલીટ બુક કરવા ઈચ્છતા ગ્રાહકો માત્ર 1999 રૂપિયા એડવાન્સ ચૂકવી બુકીંગ કરાવી શકશે. કંપનીએ આ સ્કૂટરને યુવાનોને ધ્યાનમાં રાખીને આકર્ષક લુક આપ્યો છે.

ગતિ 25 કિમી પ્રતિ કલાક

એમ્પીયર રિયો એલીટની મહત્તમ ગતિ 25 કિમી પ્રતિ કલાકની છે. આ ઇલેક્ટ્રિક સ્કૂટરમાં 48 વોલ્ટની બેટરી છે. શહેરી પરિસ્થિતિમાં રિયો એલીટ 55 કિલોમીટર અને હાઇવે પર 60 કિલોમીટર સુધી ચાલી શકે છે.

વજન 86 કિલો

આ સ્કૂટર વજનમાં અત્યંત હળવુ છે, વજન 86 કિલો છે. આ ઉપરાંત, રિયો એલીટમાં એલઇડી ડિજિટલ ડેશબોર્ડ, ડ્યુઅલ શોક અબ્જોર્બર અને યુએસબી ચાર્જિંગ પોઇન્ટ આપવામાં આવ્યા છે.