વિશ્વની સૌથી ઝડપી કાર, સ્પીડ 560 kmph

Published: Thursday, November 7, 2013, 17:12 [IST]

જ્યારે તમે રસ્તા પર હવા સાથે વાતો કરતી કાર નિહાળતા હશો તો તમારા મનમા એક પ્રશ્ન જરૂરથી ઉઠતો હશે કે, આખરે વિશ્વની સૌથી ઝડપી કાર કઇ છે? સામાન્ય રીતે આપણે બધા એ અંગે વિચારીએ છીએ, જો કે, અધિકૃત રીતે પૃષ્ટીની વાત કરીએ તો અત્યાર સુધીની વિશ્વની સૌથી ફાસ્ટ કાર બુગાટી વેરોન છે, પરંતુ દુબઇની એક કંપનીએ વિશ્વની સૌથી ફાસ્ટ કાર બનાવી હોવાનો દાવો કર્યો છે.

એટલું જ નહીં, ડેવેલ સિક્સટિનને ઉક્ત કંપનીએ આ વખતે દુબઇ ઇન્ટરનેશનલ મોટર શોમાં રજૂ પણ કરી છે. ઘણા જ આકર્ષક લુક અને દમદાર એન્જીન ક્ષમતાથી સજેલી આ કારને જોઇને સૌ કોઇ અવાક રહી ગયા. ખાસ કરીને આ કારના શાનદાર સ્પોર્ટી લુક જે આગળથી કાર અને પાછળથી જેટ વિમાનનો આભાસ કરાવે છે. તો ચાલો તસવીરો થકી જાણીએ આ કારની સ્પીડ, પિક અપ અને અન્ય રોચક બાબતો અંગે.

કાર ડેવિલ સિક્સટીન

આગળ નેક્સ્ટ બટન પર ક્લિક કરો અને તસવીરોમાં જુઓ શાનદાર ફાસ્ટ કાર ડેવિલ સિક્સટીનને.

કારમાં વી16 એન્જીનનો પ્રયોગ

આ કારમાં 5 હજાર હોર્સ પાવરના વી16 એન્જીન પ્રયોગ કરવામાં આવે છે, જે કારને દમદાર શક્તિ પ્રદાન કરે છે. આવું પહેલીવાર કરવામાં આવ્યું છે કે, જ્યારે કોઇ સ્પોર્ટ કારમાં આટલા હોર્સ પાવરના એન્જીનનો પ્રયોગ કરવામાં આવ્યો છે.

કારની સ્પીડ પણ શાનદાર

એટલું જ નહીં, જે પ્રકારે આ કારનું એન્જીન દમદાર છે, તેવી જ રીતે તેની સ્પીડ પણ ઘણી જ શાનદાર છે. જી હાં, ઉક્ત કંપનીએ દાવો કર્યો છે કે, આ કાર 348 મીલ એટલે કે અંદાજે 560 કિમી પ્રતિ કલાકની ઝડપ પકડી શકે છે.

પહેલીવાર કોઇ કંપનીએ આવો દાવો કર્યો

જેમ કે અમે તમને પહેલા જણાવ્યું હતું કે અત્યારસુધી અધિકૃત રીતે બુગાટી વેરોન સુપર સ્પોર્ટે 434 કિમી પ્રતિ કલાકની ઝડપ નોંધાવી છે, આવું પહેલીવાર બન્યુ છે કે કોઇ કારે 560 કિમી પ્રતિ કલાકની સ્પીડનો દાવો કર્યો છે.

પાછળનો ભાગ જેટ વિમાન જેવો

ડેવેલ સિક્સટીનના પાછલના ભાગને ખાસ આકર્ષક લુક આપવા માટે ઉપરની તરફ જેટ વિમાનની જમ રિયર વિંગ્સનો પ્રયોગ કરવામાં આવ્યો છે.

ફ્રન્ટ કેબીન ઘણું આકર્ષક

કારની અંદર માત્ર ફ્રન્ટ રોમાં બે સીટને સામેલ કરવામાં આવી છે, પરંતુ ફ્રન્ટ કેબીન ઘણું આકર્ષક છે. બ્લેક અને રેડ કલરનું કોમ્બિનેશન આ કારને ઘણી શાનદાર બનાવે છે.