15 વર્ષથી ડેટિંગ શરૂ કર્યુ અને હવે લોકોને રિલેશનશિપ માટે સલાહ આપે છે, મળો 21 વર્ષની રિલેશનશિપ એક્સપર્ટને

By Desk

Published: Friday, September 15, 2023, 21:09 [IST]

ઘણા લોકો પોતાના રિલેશનશિપ પ્રોબ્લેમના સમાધાન માટે રૂપિયા ચુકવીને સલાહ લેતા હોય છે. આજે આપણે આવી જ એક રિલેશનશિપ એક્સપર્ટની વાત કરવાના છીએ. આ યુવતી 15 વર્ષની ઉમરથી ડેટિંગ કરી રહી છે અને હવે લોકોને સલાહ આપે છે.

લોસ એન્જલસની જાણીતી ટિકટોકર જિયા આ દિવસોમાં સોશિયલ મીડિયા પર ખુબ ચર્ચામાં છે. તે સંબંધોને લઈને અન્ય લોકોથી અલગ વલણ ધરાવે છે. તેણી માને છે કે સંબંધ ત્યારે જ મજબૂત બનશે જ્યારે તમે તમારા પાર્ટનર પર અમુક નિયંત્રણો મુકો.

21 વર્ષની જિયા કહે છે કે, કોઈપણ વ્યક્તિ સાથે સંબંધ બાંધતા પહેલા તેની કેટલીક શરતો હોય છે. આ શરતો વિશે તેણી કહે છે કે તેનો પાર્ટનર કોઈપણ ઇન્સ્ટાગ્રામ મોડલને ફોલો ન કરે. તેણે તેના બેસ્ટ ફ્રેન્ડ સાથે ખાનગી ફોટા શેર ન કરવા જોઈએ. એકબીજા સાથે પાસવર્ડ પણ શેર કરો. કોઈપણ સંબંધ ત્યારે જ મજબૂત બને છે જ્યારે પ્રેમી આ બધી બાબતોનો સ્વીકાર કરે.

જિયા આગળ જણાવે છે કે, બંનેએ હંમેશા પોતાના ફોન ચાલુ રાખવા જોઈએ. આ એટલા માટે કે જો કંઈપણ થાય અથવા એકબીજાની જરૂર હોય તો આ સ્થિતિમાં ફોન હંમેશા ચાલુ રહેવો જોઈએ.

જિયા આગળ કહે છે કે, તમારો પાર્ટનર ક્યારે ક્યાં છે તે જાણવું ખૂબ જ જરૂરી છે. જિયાની આ બધી વાતો સાંભળીને કેટલાક લોકો તેને સતત ટ્રોલ પણ કરી રહ્યા છે અને આ બાબતને ખોટી ગણાવી રહ્યા છે.

ઘણા લોકોએ કહ્યું કે, આનાથી સંબંધ મજબૂત થશે કે કેમ તે ખબર નથી પરંતુ તે ચોક્કસ નબળા પડી જશે. એક યુઝર્સે તો કહ્યું કે, પાર્ટનર પર આટલા બધા નિયંત્રણો લાદવા યોગ્ય નથી.

Published On September 15, 2023