માત્ર અમેરિકી રાષ્ટ્રપતિ જ નહીં ઘણા ભુતોનું નિવાસ્થાન છે વ્હાઈટ હાઉસ, કરાયા છે વચિત્ર દાવા
અમેરિકાના રાષ્ટ્રપતિની ગણતરી દુનિયાના સૌથી તાકાતવર લોકોમાં થાય છે. અમેરિકાના રાષ્ટ્રપતિ હોદા પર હોય ત્યારે વ્હાઈટ હાઉસમાં નિવાસ કરે છે. વ્હાઈટ હાઉસ સુવિધાઓથી ભરેલુ છે. જો કે કેટવીક વાતો એવી પણ છે જે ઈશારો કરે છે કે વ્હાઈટ હાઉસમાં ભુતોનો નિવાસ છે.
દુનિયાની સૌથી સુરક્ષિત મનાતુ વ્હાઇટ હાઉસ વિશે કહેવાય છે કે તે એક ભૂતિયા સ્થળ છે. અમેરિકન પ્રેસિડેન્ટ સિવાય અહીં ઘણી આત્માઓનો વાસ છે. માન્યતા છે કે પૂર્વ રાષ્ટ્રપતિ અબ્રાહમ લિંકનની આત્મા વ્હાઈટ હાઉસમાં ભટકી રહી છે.
આ મુદ્દે ઘણા લોકોએ દાવા કર્યા છે. લોકોના આ દાવા પાછળ ભુતકાળમાં બનેલી વિચિત્ર ઘટનાઓ જવાબદાર છે.
અમેરિકાના સૌથી જાણીતા રાષ્ટ્રપતિઓમાથી એક 16માં રાષ્ટ્રપતિ અબ્રાહમ લિંકનની 1865માં ગોળી મારીને હત્યા કરાઈ હતી. આ હત્યા બાદ ઘણા લોકોએ વ્હાઈટ હાઉસમાં અબ્રાહમ લિંકનની આત્મા ભટકતી જોઈ હોવાનો દાવો કર્યો છે.
એક જાણીતી વાત એવી પણ છે કે, નેધરલેન્ડની રાણી વ્હિલમિના એકવાર અહીં રોકાયા હતા. મોડી રાત્રે કોઈએ તેમનો દરવાજો ખખડાવ્યો ત્યારે તેમણે દરવાજો ખોલતા તેની સામે અબ્રાહમ લિંકન ઉભા હતા. આ ઘટના લિંકના મૃત્યુના ઘણા વર્ષો પછી બની હતી.
દાવા તો એવા પણ કરાઈ રહ્યા છે કે અહીં માત્ર અબ્રાહમ લિંકન જ નહીં પરંતુ અન્ય અમેરિકી રાષ્ટ્રપતિઓની આત્માઓ પણ વ્હાઇટ હાઉસમાં ભટકી રહી છે. લોકોએ દાવો કરી રહ્યા છે કે અમેરિકાના બીજા રાષ્ટ્રપતિ જોન એડમ્સ જેવો જ એક રહસ્યમયી વ્યક્તિ પણ જોવા મળ્યો છે. ઘણા લોકોએ એક માણસને રાષ્ટ્રપતિ એડમ્સ જેવા કપડામાં ફરતો જોયો છે.
આ દાવાઓમાં કેટલું સત્ય છે તેના કોઈ પુરાવા નથી. હાલમાં પણ આ ઘટનાઓ રહસ્ય બની રહી છે. લોકો પોતપોતાના અનુભવોના આધારે દાવા કરી રહ્યા છે ત્યારે હવે સત્ય સુધી પહોંચવાનો કોઈ રસ્તો નથી.
Click it and Unblock the Notifications
Sign in with Google
